› 選擇地區
三藩市
紐約
洛杉磯
其他美國地區
香港 台灣 北美
 
2019年10月19日

【堅決不跪】王宗堯被捕人生未留污點 跟黃之鋒羅冠聰齊上齊落

建立時間 (HKT): 1019 06:00

2014年雨傘運動,出現龍和道撐佔中的王宗堯,被封男神。

相關新聞:【父子不割席】王宗堯甘耗積蓄助養抗爭 譚詠麟身上睇透前輩特質

這個光環,沒有為王宗堯的演藝事業加持,相反被標籤成「深黃」,失去大陸巿場,他索性專心拍攝本土製作。今年6月反送中運動,王宗堯再勇於發聲,過去四個月不斷上街,9月30日上午,警員到他的寓所拘捕,扣留了36小時,41歲生日前夕獲准保釋,生日翌日就提堂,控方指王宗堯7.1曾現身立法會會議廳一分鐘,被控非法進入逗留立會罪,案件押後至12月13日再上庭,王宗堯不准離港,每周要向警署報到,也不准踏足龍和道、立法會道、夏慤道及添華道一帶。

然而這一切沒有遏止王宗堯抗爭決心,他仍然繼續發聲,社交網表態、撐黃店、關心抗爭者。王宗堯日前接受《蘋果》訪問,走上抗爭熱點銅鑼灣,不少途人眼望望,其間有一名「螢黃男」上前握手,叫他要「加油」,王宗堯報以友善微笑。

王宗堯9月30日上午被警方上門拘捕,他坦言應門時有嚇一嚇:「嗰朝7點半,警方攞咗搜查令嚟我屋企,佢撳門鐘嗰一刻令我愕然,佢哋5、6個人嚟,見到有啲窒一窒,最怕佢哋嚇親我啲貓。拉我嘅前一晚(9.29)發生好多事,拉咗好多人,我嗰晚好夜返,瞓唔着。去到囚室,見好多人,知道佢哋舉動係大搜捕。」拘捕事件未有打擊到王宗堯:「我從來冇諗呢件事係我人生污點,或者打擊,我出返嚟仲同黃之鋒見面,又同羅冠聰喺group傾偈,我仲講笑話佢哋有坐過,我今次都坐過,大家(距離)拉番近啲,大家都有一點。」王宗堯還說:「近排出現嘅被自殺、性侵、濫捕、虐打同警察臥底行為,我反而擔心參加運動或支援者自身安全。」

雨傘運動到反送中,王宗堯熱血未減:「冇分別,本身係(熱血)就係,我反而覺得今日更多香港人勇於表態,唔再係要求撤回惡法咁簡單,變咗係關心社會問題同政權暴力。」王宗堯指出警察濫用私刑可能一直暗存,只是以前未被揭發:「可能以前冇咁嚴重,遮遮掩掩會克制啲,而家就每日都發生,肆無忌憚,無差別拉人,香港回歸咗僅僅22年,未一半(指50年不變),就喺2019年發生咗咁多事。」

擁有英籍護照的王宗堯,未有計劃離開:「年輕人冇條件走,好想保住呢個地方,大人喺呢個時候如果選擇放棄,唔守護呢度,年輕人就會更無助,呢次睇到年輕人對社會責任嘅心,有夢想,好熱血,大人雖然唔係行到好前,都要兄弟爬山,各自修行,多啲同後生溝通,用社會經驗、學識、歷練畀方向佢哋。我覺得呢刻,未係時候急於放棄或離開,前線被捕咗成2,000人,需要更多人行出嚟,各區遍地開花,哪怕只出嚟來唱吓《願榮光歸香港》,叫吓口號,都係一種情緒宣洩,互相鼓勵。」

「黃絲」的王宗堯,事業受政見影響,他說:「6月嗰時,我有講過話完成手頭工作,會暫停一陣,冇諗過(反送中)會搞4個月,呢啲環境冇辦法,一旦離開線上,只係個幾鐘,已miss咗好多嘢,我會好擔心,作為演員,拍戲將現實時空放開,好折磨心態,而家會為之前拍落嘅嘢做宣傳。」王宗堯近年工作量減少:「無疑係會有白色恐怖,有自我審查,去到NBA事件,我哋都要靠大中華巿場,我哋行業,發聲唔係自己一個人嘅事,仲有劇組、院線,政見上同下面從業員分野好大,幕前即使好關心好想發聲都要放棄。」

王宗堯自嘲星途「暗」了,演藝事業受阻,他仍堅決不埋沒公義和良知:「我今日得到嘅工作機會同知名度,係香港畀我,如果我要為咗利益,攞咗光環就拍拍『蘿柚』走咗去,我做唔到,我唔想跪低,我當呢度(香港)係屋企,我身邊好多朋友都做唔出。」

撰文:比華利
攝影:陳俊強
攝錄:廖達燊


-----------------------------
【撐學生】
召集有心人 撐學生全年睇《蘋果》
立即按此

-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載