› 選擇地區
三藩市
紐約
洛杉磯
其他美國地區
香港 台灣 北美
 
2019年10月19日

【父子不割席】王宗堯甘耗積蓄助養抗爭 譚詠麟身上睇透前輩特質

攝影:陳俊強/資料圖片
建立時間 (HKT): 1019 06:00

41歲的王宗堯出身不錯,爸爸是生意人,中學讀名校英華書院,中四便送到英國念書,他大學選修經濟統計學,畢業後曾回港協助家人打理生意,但他志不在此,王宗堯離家到台灣開始銀色事業,輾轉回流香港。

相關新聞:【堅決不跪】王宗堯被捕人生未留污點 跟黃之鋒羅冠聰齊上齊落

一股熱血的王宗堯,沒有包袱,在這場逆權運動上越走越前。黃藍敵對,水火不容,「黃絲」王宗堯慶幸政見獲家人包容,未被「割席」,「我阿爸係一個講義氣嘅人,佢好細個靠自己用雙手打江山,佢去歐美做生意,鼓勵我哋接受外國思想,爸爸教曉我哋要有承擔同良知,父母係會擔心自己小朋友,阿爸係擔心我,但佢知我做緊乜,我比好多小朋友(抗爭者)好,唔怕父母經濟封鎖。」王宗堯一直有對沒錢開飯、沒車回家的前線手足默默送上關心:「我哋唔係用『幫』字,我哋會陪佢哋一齊渡過難關,會嘗試去做佢哋心靈支柱。睇到佢哋咁,做大人係會心悒,佢哋肯出嚟擋子彈、食催淚彈、被扑頭、坐監,佢哋犧牲咗2019嘅暑假,我哋對佢哋都要做番啲嘢,盡做呀!」

王宗堯堅持幫襯黃店,他笑言吃串渣哥魚蛋已很滿足,「有良心喺裏邊特別好味,而家香港人有骨氣程度係好令人佩服,尤其近日NBA風波,好多香港人將日常生活、衣食住行、坐車等生活習慣都改咗。」近期近乎零收入的王宗堯可擔心花光積蓄?他答:「我個人好慳,我多數幫襯地道小店,篤串魚蛋,偶爾係會同朋友出去食飯,但都唔大使,我好少食米芝蓮壽司,某程度上,我女朋友(蘇皓兒)跟住我係咪捱苦,但佢都冇所謂。平日有限度花費,我儲落嚿錢都捱得住,我都有做少少理財投資,老竇送我去外國讀書,讀經濟都唔係冇用。慶幸我亦冇包袱,唔使養屋企。」王宗堯表示金錢一定要花在值得的地方:「香港人而家好清楚值唔值,唔係用金錢衡量,有好多價值遠遠超乎金錢價值。」

訪問當日,王宗堯走在銅鑼灣鬧巿,除一口氣幫襯3間黃店,途經不停爆警民衝突的電車路上,他不無感慨,尤其8月11日晚上,銅鑼灣出現有飛虎隊假扮示威者拉人,原來王宗堯當時正在附近派物資,他也跟便衣擦身而過。這幾個月持續發生的一切,王宗堯沉重說:「好攰,成日用揦鮓手段保住建制,我都有無力感,不過如果而家放棄,就同5年前一樣,佔中時係有一啲地方做得唔好,有開嘉年華,日前有人喺太子花壇前切蛋糕,立即被譴責,今次大家會自我檢討。」王宗堯也不屑「撕紙狗」惡行,看到銅鑼灣天橋上的連儂牆,文宣被撕掉變成垃圾,「個個區都有好靚嘅連儂牆,有某部份人唔鍾意呢啲街頭佈置藝術,佢哋破壞咗,又掉到周地垃圾,但連儂精神係你破壞,我哋有機會會再整番靚佢。」

由佔中到今日逆權運動,5年的速變可有同時打亂41歲王宗堯的人生計劃?他說:「以前冇諗過香港會變成今日咁,亦冇諗到發生喺2019年,我個人喺呢5年有轉變,對事或自身遭遇上從容咗。」結婚生仔計劃要延遲嗎?「嗰啲睇機會,呢啲未係我人生planning最重要嘅嘢,呢幾年心思除咗擺喺做嘢,我會諗多啲關心同回饋社會,可以幫到人,會更有成就同滿足感,好過接好多戲拍,唔係下下係賺錢,有好多人覺得曝光率好緊要,有好多人淨係諗住錢,我會覺得自己想多啲經歷或見證一啲嘢,身邊多咗好多溫暖人心嘅故仔,有遇到守護孩子嘅陳伯,同一班守護抗爭者嘅專業人士、法律團隊,公義真係好緊要。」問到王宗堯會否考慮從政?他說:「我仲未有資格,政治意識未係咁強,暫未有咁打算,有機會先。」

王宗堯早年曾簽約藝能旗下,當時有報道形容他是「譚詠麟契仔」,對於曾提攜過他的前輩譚詠麟(阿倫)早前高調撐警,阿倫此舉已遭部份粉絲「割席」,王宗堯也感慨:「我喺校長(譚詠麟)身上,睇到好多前輩應有好好嘅特質,我覺得可能年紀問題、利益關係,可能佢身邊好多人好多生意來往係需要佢咁做。」

撰文:比華利
攝影:陳俊強
攝錄:廖達燊


-----------------------------
【撐學生】
召集有心人 撐學生全年睇《蘋果》
立即按此

-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載