› 選擇地區
三藩市
紐約
洛杉磯
其他美國地區
香港 台灣 北美
 
2019年10月20日

【瘦啱位置】唐詩詠鬆爆上衣頻走位 雙手夾實見深坑

建立時間 (HKT): 1020 16:45

唐詩詠、黃德斌、葉蘊儀及衛詩雅等,今日到沙田馬場出席活動。唐詩詠極性感現身,拍照時步步為營,不時整理上衣。受訪時,唐詩詠指是大會特別為她訂造:「可能瘦咗,所以行嗰陣都要小心啲。因為最近領養咗隻BB貓,就嚟兩個月大啦。我本身仲有兩隻貓,而家朝朝6點起身餵食,每3個鐘就要輪流餵,BB貓又要餵奶,奶媽一樣。」

唐詩詠坦言為了貓貓,現時很少外出,做訪問期間已經掛住BB貓。笑指她豈不是沒有時間拍拖,但還未問完,唐詩詠即搶答:「冇時間生BB?」大家指原意是想問她是否沒有時間識男仔,她即尷尬笑謂:「因為我發現湊BB貓已經咁忙,生咗BB咪冇晒時間?」

她透露BB貓是由陸永的貓所生,問到為何陸永只介紹貓不介紹人?唐詩詠即大笑說:「你信得過佢呀?我信唔過囉。」記者笑言陸永身旁最騎呢的C君即將「出嫁」,她說:「天頤(C君未婚妻)真係好好心哋。」唐詩詠透露假如將來生B,產後第一年會想用多點時間陪BB。

問到緋聞男友陳思銘如何?唐詩詠強調對方不是男朋友,又指他是圈外人:「唔係就唔好講,我會努力。不過而家真係好少出街,要照顧貓貓。」提到貓貓影響她的桃花,唐詩詠說:「可能佢幫我招財呢。第時男友都要鍾意貓貓,佢哋(貓)之前都試過有意見,要過三關。」

同場的葉蘊儀,為唐詩詠、楊洛婷及自己造禮帽:「每次設計,啲客人都好信我,畀我自己發揮。我好鍾意呢啲靜態嘢,又可以做handmade,每頂大概造兩日。」她謂英國及澳洲等地方,流行女士戴禮帽,希望香港亦能興起這個文化。

談到她清減不少,葉蘊儀指減肥是為了健康:「有工作係bonus,我都冇特別諗。」她透露很多朋友問她的減肥餐單,但她認為每人體質不同而婉拒:「啲朋友應該覺得我好衰,不過我有營養師睇住,瘦到啱就會停,有時都會食啲唔應該食嘅嘢。」

採訪:盧妹、攝影:林賽尼

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載