› 選擇地區
三藩市
紐約
洛杉磯
其他美國地區
香港 台灣 北美
 
2019年11月08日

【加油】周柏豪避談「港獨豪」 歐鎧淳將出賽明年東京奧運

攝影:陳俊強
建立時間 (HKT): 1108 11:51

自6月送中修例風波,至今牽起一連串的抗爭運動,不少藝人不敢在網絡平台發聲,若然發聲又怕傷害內地人的心,柏豪自7月在IG發文呼籲大家登記做選民,遭到大陸網民怒轟,指他是「港獨豪」,事後柏豪將IG內的數千帖文及照片悉數刪走,連月來柏豪甚少露面,昨晚他與歐鎧淳以大使身份於中環出席「愛心聖誕大行動2019」揭幕禮,不過柏豪依然迴避傳媒,活動前透過公關表示不接受訪問。

歐鎧淳一身彩色裝束現身,相當有節日氣氛,提到聖誕,她透露到時將會到澳洲接受特訓3個月,她表現興奮說:「12月會去澳洲訓練,到3月中,好開心呀!去到會跟一個澳洲嘅教練,佢曾經訓練一個19歲嘅女仔破世界紀錄,我膽粗粗去搵佢,好好彩達標,佢都有興趣。」今年鎧淳為自己創下紀錄,在100米背泳以1分00.22秒,順利取得明年東京奧運會的入場券,她自言希望再創佳績:「去到澳洲要放低以前嘅嘢,學習教練嗰套,今年目標達成咗,要放開去嚐試。目標要放遠啲,世界冠軍梗係好,而家目標係希望快過1分鐘,我對教練絕對有信心。」奧運將於明年7月舉行,鎧淳明年3月結束澳洲特訓後,便會赴日本集訓,積極備戰,問到有冇時間拍拖?她笑說:「佢一路好支持我,佢好叻仔呀,到而家都仲係好多工開,佢工作行先,12月機票好貴呀。」

鎧淳又提到日前師兄方力申創下45公里環島泳的紀錄,她為小方感到驕傲:「其實真係好難,就算好多泳手,都覺得冇可能,連師兄都覺得冇可能做到,但佢都決定去做,仲要做到,我將呢件事套用喺自己度,我自己以為唔得嘅,其實唔需要諗太多,啟發咗我,佢永遠係我心中嘅運動員,係我偶像。」

採訪:羅慧敏
攝影:陳俊強


-----------------------------
2019區選專頁
光復香港 11.24踢走共產黨

-----------------------------
【撐學生】
召集有心人 撐學生全年睇《蘋果》
立即按此

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載