› 選擇地區
三藩市
紐約
洛杉磯
其他美國地區
香港 台灣 北美
 
2019年11月08日

【Sony音樂會】陳柏宇連開兩個騷 投訴:個女而家冇咁黐我

攝影:陳慧安
建立時間 (HKT): 1108 12:22

陳柏宇、林二汶、林奕匡、黃妍、葉巧琳和小塵埃大班Sony旗下歌手,昨晚在九展舉行音樂會,大唱八、九十年代的廣東金曲,其中剛剛完成音樂會的陳柏宇隔日又開騷,他表示兩個演出形式不同:「今次唱八、九十年代廣東歌,有好多之前冇接觸過,所以壓力仲大啲。」接連為演出準備,可會少了時間陪囡囡而遭投訴?柏宇反笑指:「係我投訴就真,個女而家冇咁黐我。」

至於二汶在演唱會內跟柏宇合唱《下雨天》和多首經典廣東歌,她說事前要做很多準備功夫:「全部都係我細個聽嘅歌,歌詞好難記,所以都有啲壓力。」剛推出新專輯的她透露,完成宣傳工作後會稍作休息:「可能會四圍去睇騷,如果冇騷睇,就去啲可以Hea,有冬天嘅地方旅行。」

另外,繼港台取消今年十大中文金曲頒獎禮後,新城亦宣告取消勁爆頒獎禮,改為隨時隨地向得獎歌手或單位派獎,對此柏宇笑言:「咁都幾方便,話唔定食食吓飯或者沖緊涼嘅時候嚟頒獎。」通常頒獎禮都被歌手們視作年度聚會地方,接連取消可覺可惜?柏宇稱:「咁又唔一定要年年聚嘅,以往新城頒獎禮都係26號舉行,所以前一晚聖誕都唔敢玩太夜,但今年可以放鬆少少。」

而二汶則認為新城的做法特別,覺得新形式幾得意,任何頒獎禮無論提名或得獎,最重要是得到肯定及有認同感:「所以咩形式都唔緊要,有獎攞就開心,不過歌手們冇得聚就爭少少。」然而,她稱平日歌手們還是可約食飯聚會。

採訪:曹家誠
攝影:陳慧安
攝錄:廖達燊


-----------------------------
2019區選專頁
光復香港 11.24踢走共產黨

-----------------------------
【撐學生】
召集有心人 撐學生全年睇《蘋果》
立即按此

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載