› 選擇地區
三藩市
紐約
洛杉磯
其他美國地區
香港 台灣 北美
 
2019年11月16日

【曲終人散】龔慈恩曾為抽起《牛下》失望:工作同私人生活係兩回事

龔慈恩表示劇組未有怪心穎。(資料圖片)
建立時間 (HKT): 1116 20:00

大台演出的劇集《牛下女高音》昨晚已經播映完畢,主角之一黃心穎被爆偷食人夫許志安後,消失了一段日子,直到劇集進入結局篇,心穎終於蒲頭,5日內第3次更新IG,她留言與自己的角色道別:「Thank you 阿Nam。Thank you 《牛下女高音》的團隊。再見啦白雪兒。」「安心偷食」後,心穎不單全面停工,連劇集都被抽起,甚至重拍,《牛下女高音》更一度播映無期,幸好幾經波折,最終順利上映。龔慈恩早前接受商台節目《一圈圈》訪問,她坦言當時覺得好可惜和失望:「劇組真係冇人怪過佢,我哋好明顯知道工作同私人生活係兩回事,呢啲都係大家唔想發生,而且說話分兩邊去講,好明顯地可能某一方面係做錯咗,佢要承擔懲罰,但同佢嘅工作能力唔可以掛鈎,佢工作係做得好好。」


龔慈恩在今年9月被爆與林煒離婚,她更一度被前夫稱是「控制狂」,提與林煒離婚一事,她坦承聚少離多是離婚的原因:「其實我哋係識咗10幾年先結婚,以前拍拖嘅時候係簡單啲,因為大家都要工作,試過有3、4個月冇見,經常都有呢個問題,但係自從有咗小朋友之後,我會比較留喺香港照顧小朋友,真係少咗時間行去台灣陪佢,變咗呢個真係主要嘅因素。」離婚消息曝光後,又會否擔心仔女承受打擊?她說:「其實呢個係經過長時間,大家慢慢去消化呢件事,佢哋由細到大都唔係太長時間係同爸爸一齊,爸爸都有自己嘅工作,成日走嚟走去。我覺得每個人都要有自己理想及做自己鍾意嘅嘢,如果覺得你嘅時間,喺係某方面係浪費嘅,就應該趁自己年輕再搵多啲自己嘅光同夢,做自己想做嘅嘢。」

之不過提到被指是控制狂,她說:「我真係一啲都冇嬲過,只係誤會,佢話我乜都理係好多年前嘅事,當時唔係貶,係褒,意思話我乜都關心,就算去做嘢都會不停掛住仔女,因為佢都幾矇查查,當我需要離開香港出去做嘢,佢會返嚟睇住,不過一接手唔知仔女幾時學乜?幾時交學費?始終程序喺我手上嘛。」至於大女林愷鈴被喻為最強星二代,她笑説:「其實佢冇諗過入行,讀中學嘅時候,已經好清楚話想讀建築系,因為佢鍾意畫畫,好鍾意藝術,甚至同同學去畫廊學畫畫。」

-----------------------------
2019區選專頁
光復香港 11.24踢走共產黨

-----------------------------
【撐學生】
召集有心人 撐學生全年睇《蘋果》
立即按此

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載