【新增內容】
自星期一（11日）大三罷發起後，抗爭者除了用磚頭、雜物堵路，更用上磚頭、水泥築牆，儼如堡壘。民建聯議員葛珮帆及工聯會麥美娟昨日率先帶隊在荃灣清路障，今日更加有過百名解放軍駐港部隊步出軍營，清理浸大對開的路障。片段所見解放軍穿上軍綠色tee及短褲、沒有裝備，亦有人稱是解放軍，行動亦屬自發。
當香港人質疑解放軍是否可以私下執行任務之際，原來陶傑昨日已神預測解放軍會出動執磚，他昨日在商台節目《光明頂》預見這一幕，並說：「邊個話解放軍出軍營一定係你哋諗咁兇神惡煞、戴住豬嘴、淨係拎住支槍，係咁手榴彈亂掃亂射？think outside the box，啱唔啱呀？你咁諗，因為你哋長期俾美國傳媒洗腦，話畀你哋聽64係解放軍出嚟殘暴鎮壓平民。」他又分析道：「廿幾年嚟開放解放軍軍營出嚟與民同樂、畀啲中學生入去參觀、國慶出嚟表演，養兵千日用嚟做咩呢？黃曉明、彭于晏呢啲孔武有力嘅，梗係着緊緊地灰背心、一樣咁窄嘅軍褲，喺陽光之下，一身閃閃油令嘅肌肉，抹埋油最好啦，整隊人出嚟清理磚頭、雜物，全國直播，然後遠遠有班黑衫人羞愧有加，然後再將黑衫啲女友策反過嚟。」
其後他又正經分析說：「解放軍出嚟係以救災嗰個類別，去全港嘅道路清理路障，當係天災。不過解放軍不帶武器，全部赤手空拳，畀你哋睇到係冇武器，因為解放軍救災係最叻。解放軍喺度搬嘢係有個阻嚇力嘅，相信喬裝人士好、黑衫軍好，都唔敢埋去挑釁。」陶傑更指出動解放軍好處是慳錢。
陶傑今日回覆《蘋果》，講到神預測翌日解放軍就出動，他說：「巧合啩，我噚晚講3部曲，而家第一步，佢哋一定要跟住做，先有效。解放軍出咗清路障，一定要提班後生仔、黑衣人，唔可以攻擊，呢樣好緊要，一定要佢哋知道。所以如果有人郁手，咁一定係臥底、係『鬼』。解放軍出咗，警察呢幾個月壓抑都可以舒緩，解放軍係好強大後援。跟住林鄭趁氣氛緩和，宣佈成立調查委員會，不過為咗唔令警察反感，可以喺監警會入面，成立小組有外國獨立人士，可以叫調查小組，最緊要有傳召證人權力。」
他又預計行動有緩和情況有幫助：「咁做可以救番嚟緊聖誕同農曆新年兩個節日，等個市況緩和，之後下半年林鄭同中央提出推出雙普選同23條立法，要咁做3部曲至有效。你話後生死咗咁多人點算？其實都冇辦法，只可以當佢哋為港犧牲，冇計得咁多。」問佢覺唔覺大陸抄橋有人聽佢節目，陶傑豪氣話：「哈哈，梗係啦，佢哋有人mon住聽。」
陶傑又講笑叫政府畀錢：「條橋值500萬，如果真係收到，會捐畀年輕人。」陶傑其後更在facebook寫一篇文章，指出他的神預測只是巧合，別無其他內情。
-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此
