› 選擇地區
三藩市
紐約
洛杉磯
其他美國地區
香港 台灣 北美
 
2019年11月18日

【救救理大】鄭敬基戴口罩校外和理非:見到兩位媽媽喊得好淒涼

最後更新: 1118 16:19 / 建立時間 (HKT): 1118 14:48

昨日理大被防暴警重重包圍,施放催淚彈及出動水炮車,經歷黑暗一夜,有多人受傷及被拘捕,情況慘烈!各界呼籲和理非聲援理大,在這水深火熱時劇,藝人們都挺身發聲,出一分力救救理大。

相關新聞:【理大攻防戰】校長龜縮 鄭敬基斥有責任救學生 伍家謙:你做咩校長呀?

今日鄭敬基更獨個兒到尖東和理非,雖然食了催淚彈,但沒有退縮,當時身處尖東與Poly接壤一條電梯口的他,接受《蘋果》電話訪問說:「我見到一、兩個媽媽,因為佢哋嘅仔女喺學校入面,所以佢哋真係喊得好淒涼,就算前面係一班防暴,佢哋都好大聲喺度鬧、喺度嗌,因為唔知學校裏面點,就算學生衝出嚟,周圍都好似部署咗遠程射手,大家都好擔心年輕人嘅性命。」

鄭敬基譴責克警濫暴:「周圍啲人就算和理lunch,都俾佢哋喝罵,話你哋做乜要戴口罩?再戴口罩就拉你哋,就算出面不停有人聲援,佢哋都越拉越多,喺漆咸道都一輪催淚煙,有班社工只可以和平坐喺度,而家冇人可以嚟聲援,大家可以用乜方法救吓佢哋呢?」

相關新聞:【理大攻防戰】王宗堯望逆轉勝 何韻詩狠批理大校長:枉為人

跟着電話中傳來他的氣喘聲,原來鄭敬基正避開催淚彈,他續道:「而家一路跑緊,一路避緊催淚彈,大家好想和理非,爭取去幫啲人,而家好亂,我哋只係想用和理非方法去支持呢班被困嘅學生,都受到咁嘅對待,可想而知,如果喺裏面係幾咁危險,市民純粹行緊食lunch,根本冇地方係安全嘅,任何嘅路都有警察,呢度非常之危險。」

其後鄭敬基搵到安全地方暫竭,自拍短片作出呼籲:「啱啱走到嚟近海旁地方避一避,因為可以有啲風吹走啲煙味,頭先去到尖東現場諗住支持被困嘅理大學生,我希望大家用唔同方法,各階層都係,用和理非方法去支持同學,因為佢哋好年輕,希望大家一齊支持學生,希望喚起更多人救救理大學生。諗起出面普通市民都好驚、受到驚嚇,又見到好多女仔被捉,我希望,警察先生,高抬貴手,佢哋真係太年輕,呢啲小朋友有好幾十年未過嘅生命,頭先喺漆咸道不斷放催淚彈,真係好狼狽。好掛住太太,今日佢唔喺我身邊,少少危機性經歷,希望大家記住親人,理大裏面亦都有好多人嘅親人,大家救救佢哋。」

此外,下午3點幾,鄭敬基在IG緊急呼籲國際組織紅十字會、宣明會立即率領自願醫療隊進入理大幫眾傷者進行人道救援,「就算戰地煙火中也要暫停戰火,林鄭政府請立即讓國際醫療服務隊救受傷人士,否則國際組織會齊來指證政府阻人道救援」,他更指平時樂意大大捐助有需要人士,希望他們現在能回應一下。
-----------------------------
2019區選專頁
光復香港 11.24踢走共產黨

-----------------------------
【撐學生】
召集有心人 撐學生全年睇《蘋果》
立即按此

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載