› 選擇地區
三藩市
紐約
洛杉磯
其他美國地區
香港 台灣 北美
 
2019年11月23日

【爆相爆片】靚靚爆13歲魔童大鑊 將老竇手機掟落泳池

建立時間 (HKT): 1123 00:30

48歲袁詠儀(靚靚)和老公張智霖結婚18年,兒子張慕童(魔童)剛踏入13歲,少年魔童越大越靚仔,集齊港姐媽咪和爸爸的優點。日前靚靚和魔童兩母子到中環的Apple Store,被讀者白先生透過「爆相爆片」分享。

白先生接受《蘋果》電話訪問表示:「見到袁詠儀同囝囝揀緊無線喇叭,之後聽到佢同職員講,暑假時囝囝將張智霖嘅iPhone丟落游泳池,型號好似係iPhoneX,之後袁詠儀問囝囝係咪買喇叭,但最後都冇買就走咗,佢哋只係逗留咗幾分鐘,當時店內唔多人,有店員招呼佢,靚靚好nice冇架子,囝囝喺側邊研究喇叭,個樣似張智霖多啲,好乖,都冇扭計要買嘢。」

從讀者提供短片睇到,靚靚向店員「爆料」:「呢個暑假將佢老竇部手機掟咗落泳池。」店員愕然問:「吓!你嗰部乜嘢手機?」靚靚:「咪就係之前嗰部囉。」身旁的囝囝掛住研究手上的喇叭,對媽咪爆大鑊冇反應,靚靚跟住問囝囝:「點呀你?係咪呢嚿?又唔要啦?」

少年魔童越大越靚仔,身高更已經逼近媽咪,讀國際學校的魔童亦有IG,更吸納到70.5k位追蹤者,魔童上載了多條玩滑板的短片,身手了得。

靚靚和張智霖錫魔童錫到燶,不過,身為虎媽的靚靚曾在《蘋果》專訪中提到,因為自己是操控症,一直不覺得自己有錯,直到有一日兒子好認真向Chilam要求換新媽咪,她才恍然大悟知道出事,之後改變跟兒子相處的態度,現兩母子感情很好。

《迪士尼公主大世界》
14位公主一書睇晒
-----------------------------
【撐學生】
召集有心人 撐學生全年睇《蘋果》
立即按此

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載