› 選擇地區
三藩市
紐約
洛杉磯
其他美國地區
香港 台灣 北美
 
2019年12月02日

【被搞喊】黎瑞恩澳門性感開騷 馬浚偉讚靚女獲打賞

建立時間 (HKT): 1202 15:35

黎瑞恩前晚在澳門舉演唱會,獲馬浚偉、周汶錡、黎諾懿夫婦、劉小慧及何婉盈等捧場。小恩子特別選以89年參加歌唱比賽得到冠軍的歌曲《夜機》登場,每首歌用旁白串連,帶出人生中歷程的5個階段。她表示:「將快樂能量帶畀大家,希望大家透過聲音、歌曲重新認識呢個moment嘅黎瑞恩。」

當晚的表演嘉賓是樂隊Space成員周吉佩,兩人合唱《你最珍貴》,吉吉還送了枝紅玫瑰花給小恩子。而途中亦有歌迷衝上台獻花,小恩子開心說:「多謝大家,你哋由細睇到我大。」之後小恩子唱出《蒲公英的約定》、《味道》、《仍然記得嗰一次》等,她笑說:「大家係咪好奇怪我唱咁多人哋嘅歌呢?其實我出過HiFi碟。」當她唱到《雲上的日子》時,全場歌迷亮起手機燈成一片燈海,小恩子感動得哽咽:「唔好搞喊我。」

接近尾聲時,小恩子問觀眾有甚麼夢想?全場同聲答:「一人有一個夢想。」她即說:「我嘅夢想就係幫助啲有需要嘅朋友,例如好似馬仔(馬浚偉)咁(做善事)。我覺得快樂好簡單,諗嘢簡單啲,幫多啲人,就已經好快樂。」而台下的馬浚偉大聲高呼:「妳好靚呀!」,小恩子笑說:「一陣畀50蚊你,哈哈!」

小恩子全晚換了5套歌衫,而最後1件是黃色低胸絲質傘裙露出事業線,她笑言:「我都覺得唔好再咁低(胸),因為好似好危險,有時唱唱下會諗會唔會踩到,如果條紗爛咗,就會成條掉跌落嚟。但我覺得演唱會可以試試,其實我打底着咗件衫,就算有咩事都唔使驚。」

-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載