一眾失婚藝人包括李麗珍、葉蘊儀、趙頌茹、薛世恆為ViuTV拍攝節目《一切從失婚開始》，分別和素人一起走訪台灣、日本、烏克蘭地方體驗異地婚姻文化。
珍妹入行以來首次拍真人騷，和素人Benjamin到台灣傾心事，當對方是訴心聲機器，並說：「乜都講得，亦係一個好發洩方法，反而太熟講得多會悶，唔講又差啲，反而我安慰返Benjamin，佢放唔低之前一段感情，我哋又到山上探訪一對不理世俗嘅恩愛夫妻，感覺到簡單幸福。」現時珍妹追求愛情都想簡單一點，她坦言：「一半一半啦，但好難搬上山上乜都唔理。」
重提婚姻舊事，有否感觸落淚？珍妹說：「我個人好難喊，亦都好難搞到我喊，除非好大件事，但有感動位。」與舊愛潘源良感情糾纏，令珍妹誘發情緒病，她說：「自己醫好自己，唔好鑽牛角尖，節目入面我都有分享點樣醫治，畫畫係其中一樣，心理醫生同朋友分析係真嘅，但我冇睇過心理醫生，感覺好似好嚴重，如果繼續病發就應該係要睇吓。」而病發期囡囡許倚榕是珍妹動力，女兒傳信息叫珍妹振作，令珍妹靜雞雞哭起來。
趙頌茹（阿Yu）和兩位素人到日本， 雖然夥拍陌生人做節目，但大家都是曾經離過婚，相處有共鳴。今次之行最特別是訪問退下火線的av人妻及牛郎，阿Yu說：「正常一對夫婦都咁多拗撬，佢哋會點樣呢？訪問完最大感覺認為av女唔係一件咁鹹濕嘅事，佢哋都係一位女性，係一個工作，令我開咗眼界。」 最初以為節目只是去旅行傾談過往婚姻經歷 ，想不到經歷笑中有淚，並笑說：「我都諗我係咪喊得太肉酸!」趙頌茹展望將來，節目還帶她去相睇，但暫時未有結果，對於未來對象，阿Yu坦言：「冇幻想太多，而家只係搵錢湊女，太現實，冇咁多時間幻想，真愛喺邊呢？年紀大希望遇到個伴啦，但又唔係好想好渴望。」
採訪、攝影：卓寶花
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
