【古惑仔山雞!】陳小春IG貼紅隧阿姐鬧示威者影片 1個鐘頭即刪走

更新時間 (HKT): 2019.08.11 09:54

昨日市民自發大埔遊行之後,入夜開始轉戰各區,示威者更一度快閃到達紅磡海底隧道向香港方向出入口,並帶同鐵馬等路障進行封路。其後網上流傳一條片段,是一名紅隧的職員鬧爆示威者:「我寧願早啲收返畀阿爺管治,都唔要你班打靶仔喺度阻住我...」而陳小春昨晚曾一度在IG貼出這條影片。

陳小春昨晚12點左右,在IG貼出紅隧阿姐的影片,大量網民也有留言,有少數打簡體字的網民支持陳小春:「講得很好!」、「我其實覺得沒說錯,香港就是屬於中國。你不喜歡做中國人你就走或者你移民,為甚麼把那些希望留在香港生活的人弄得雞犬不寧。」連陳蕊蕊也有讚好。

但也有大量網民留言對陳小春表示不滿:「咁送Jasper返大陸讀書啦。」、「失望。」、「咁你記得X畀你個仔出國,留喺中國,咪做打靶仔啊!」、「你移民返大陸啦,成家唔好返香港。」、「為人民幣出賣良知!可憐Jasper有你咁嘅爸爸!」但陳小春在貼出影片1個小時後,便立即把影片刪走。

娛聞樂陪你走遍全球追星,即Like「娛果」FB 專頁!
BannerBanner