【add名人時尚】美妝達人RickyKAZAF教路 男士妝容全攻略

更新時間 (HKT): 2019.08.13 21:00

在現今男女追求平等的社會上,化妝已經不再是女性專屬,Chanel在上年9月破天荒推出Boy de Chanel彩妝系列,而Givenchy亦跟風推出Mister系列,可見美妝男的市場崛起。《add》今次邀請了香港專拍男性化妝片的KOL RickyKAZAF教男士妝容全攻略,只要捕捉六大重點:「男人都可以化全妝!」

【訪問篇】

RickyKAZAF(黃佑誠)是香港專教男性化妝的KOL,曾是藝人馬浚偉的御用化妝師,擁有十年的化妝經驗的他,初時受韓風影響和天團Big Bang啟發而走上美妝之路,今次他接受《add》訪問,大談對男性化妝的看法和改造素人的經驗。

男士化妝在香港開始變得普遍,他們的化妝技巧更可能比女士們純熟:「我自己覺得呢幾年多咗男仔化妝,喺街上面都見到啲男仔會化小小眉妝或底妝,整體有好多男仔可能佢化咗妝,但又唔會是眨眼間察覺得到,呢個係見到個趨勢的分別。」

RickyKAZAF指有些男士可能特別需要化妝,但不要完全改變自己:「皮膚質素唔算太理想,有紅印、暗瘡印等等,如果本身靚嘅話,化妝部分純粹改善一啲唔夠靚嘅地方就已經足夠,唔需要化一個好嘅厚妝,令個樣變咗,呢個係男仔妝好重要嘅一個Point。」

他亦認為男仔化妝不再被批評「乸型」等負面形象:「o依家嘅男仔睇多咗網絡資訊,又會自拍,放相上網嘅時候,其實化妝呢件事相對嚟講接受度會高咗好多,雖然以前男仔化妝係比較負面,但係慢慢大家認識多咗咩叫化妝嘅時候,負面就減少咗好多。」被問到識化妝的男性會否更易擴闊社交圈子?RickyKAZAF說:「係,一定係容易識好多!化妝本身係一個女仔嘅Topic,其實你淨係好簡單Share一啲化妝扮靚嘅資訊,大家嘅話題已經多咗好多,另外因為化咗妝,其實個人望落去精神啲,畀人感覺第一印象一定會好好多,更容易識朋友或女朋友。」

RickyKAZAF在網絡上幫不少素人做Makeover,坦言最開心係見到Before&after:「好多時我改造完嗰個人之後,都唔記得佢之前個樣,比之前吸引好多。另外,恆久啲嘅開心係我見到佢哋個人嘅變化,有個Case係嗰個人好年輕,但外表好老,改造完之後,佢嘅自信心多咗,講嘢大聲咗,呢個唔係淨係改變造型,反而好多嘅Makeover係改變佢地嘅人生,意義重大。」而RickyKAZAF除了自己出書、開辦課程教化妝外,他亦成為了IVE學院新開辦的KOL課程專業顧問,相信化妝扮靚不單止無分男女,還會有年輕化的趨勢。

娛聞樂陪你走遍全球追星,即Like「娛果」FB 專頁!
BannerBanner