【逆權運動】天佑屢出Post撐抗爭即被刪 網民讚敢於表態如絕種動物

更新時間 (HKT): 2019.09.11 17:12

自反送中事件以來,組合Shine的徐天佑不斷在facebook出post,支持敢於抗爭的香港人,亦寫新歌《不只你一個》與年輕人同行。天佑日前在facebook再次出post會與香港人齊上齊落、不割席。有人留言問:「Shine是否都齊上齊落?」卻爆出天佑驚人留言:「no more shine.」

當日《蘋果》聯絡到天佑,他以WhatsApp回覆說:「Sorry,四面受敵。 I can’t say anything。」他又指好大壓力,又說:「一言難盡,估唔到會係咁。」至於Shine經理人錢小姐回覆《蘋果》時否認二人拆夥:「佢哋冇拆夥,感情冇問題,各自拍戲。所以先冇時間一齊工作,如果之後有演唱會,都可以再一齊。」

有網民發現,原來近日天佑在FB專頁每次貼出關於反送中事件的語句後,在五至十五分鐘內就會被刪除,當中包括「光復香港 時代革命」、「五大訴求 缺一不可」等,又曾留言「禁聲」、「X你老味我鋪(Post)乜都俾人封,你睇到㗎」、「無論經歷千千萬萬嘅失落空,就係等一次成功。」網民將截圖放上社交網站後,即吸引大批網民討論,不少網民表示「敢於表態嘅藝人少到似絕種動物咁要好好珍惜」,又反問香港人「我就唔信香港人養唔起香港人,靚仔又靚聲又有才華,唔係唔撐呀?」

《蘋果》聯絡天佑,向他表達網民的關心,又問到他近況,天佑回覆道:「我咩都唔知喎。我之前已經講咗暫別一會。」

娛聞樂陪你走遍全球追星,即Like「娛果」FB 專頁!
BannerBanner