【抗暴之戰】阮民安不滿popo以涉阻差辦公拉保安 王宗堯斥:拉晒全香港

更新時間 (HKT): 2019.10.09 18:35

身為馬鞍山居民的阮民安(Tommy)其實也於周一晚現身過商場,他表示有保安提醒帶着孩子的他要快點離開,他剛離開便發生防暴警硬闖事件,Tommy事後在社交網表揚當晚的商場保安人員,他昨晚更到商場內快閃busking。對於幾名保安被拉,Tommy馬上爆seed,他都短訊回覆《蘋果》:「噚晚我仲專登落去多謝番啲保安哥哥、姐姐盡責,好多街坊、手足支持。點知今日就咁,好X嬲!而家私人地方都可以咁,遲啲直接入你屋企拉你都得啦!香港仲有冇法治?所以我都即刻出po問所有馬友(馬鞍山之友)有咩可以幫手,即做!一定要畀popo知今次我哋好不滿!」

王宗堯就良心保安被捕短訊回覆:「拉晒全香港...犯法嘅唔拉...撞人嘅唔拉...扮示威者破壞...打記者...打女仔...拉大肚婆...拉保安...香港警察,知法犯法。」柳俊江今日也在fb談論這件事,他留言:「有關保安阻差辦公,大家唔應該太嬲。慣常做法就係,高調拘捕,低調放人,亦即係心理上要你哋覺得好大件事,全港保安員人心惶惶,以為好大罪,然後下次唔敢阻警察進入私人地方。」

娛聞樂陪你走遍全球追星,即Like「娛果」FB 專頁!
BannerBanner