【add名人時尚】四料港姐冠軍翁嘉穗 大談改變人生三件事

更新時間 (HKT): 2019.10.10 02:00

一個簡單決定,有時正正改變你一生。45歲的翁嘉穗,97年在加拿大讀完大學,無意間回港選香港小姐,成為四料冠軍兼改變一生。轉眼二十多年過去,身材樣貌沒大變動,身邊大仔Jason已經19歲,更試過被錯認是男友,翁嘉穗的幸福人生令人羨慕,近年開始做慈善,今年做慧妍會長報效港姐及社會,「改變我人生有三件事,就係選港姐、嫁畀我老公,同舊年做東華總理。」

翁嘉穗當年港姐一缷任,沒入無綫拍戲做演員,反而極速嫁給了七海化工集團老闆鄔友正,退出幕前更生了兩個兒子。這天她一身露膊短裙弗爆在上環受訪,之後再趕到東華三院總局,接在總局做暑期工的大仔鄔謨雲(Jason)放工。

兩人的紅線,由翁嘉穗參選港姐、遠在加拿大溫哥華開始,剛讀完大學經濟系,投出許多求職信後,最快回覆的竟是香港小姐的入圍通知,「細細個經常有人叫我選,我初頭唔係太大興趣,咁啱識到李嘉慧了解咗,覺得又幾好喎,有來回機票,又有得直接入總決賽,咪當返嚟玩囉,一返就返到家喇。」回想當日,她最記得第一輪選就連得兩個獎,台上反應呆了,之後淡淡定,成為1997年四料冠軍,「后冠我有兩個,一個係真嘅,放喺保險箱,另一個係仿製品,供日常出活動用。朋友上親嚟我屋企,都要戴吓玩。」

翁嘉穗育有兩個兒子,19歲大仔Jason未成年已成為舉重冠軍,兩度打破世界紀錄;她在41歲高齡產下細仔鄔謨風(Kasper),兩兄弟感情好好。「媽咪一向係個好nice、好關心人、好為我着想嘅母親,同埋唔知點解,由細到大,媽咪嘅樣子冇變,可能變得更靚㖭,騷到畀我睇,好嘅母親應該係點樣,如果我想搵一個好太太,我知點樣搵。」

娛聞樂陪你走遍全球追星,即Like「娛果」FB 專頁!
BannerBanner