【3個月大喇!】黃澤鋒孖妻女影全家福 「小黃妃」踢腳騷肉腿

更新時間 (HKT): 2019.10.09 12:53

黃澤鋒今年7月獲52歲「超高齡」老婆陳麗麗為他剖腹生了囡囡「小黃妃」,並改名黃熙恩。轉眼小黃妃已3個月大,他們將於後日為囡囡搞百日宴,一家三口日前就往影樓影全家福。

才3個月大的小黃妃,拍攝期間非常合作,不但沒有扭計,更全程甜笑不停,讓攝影師捕捉了不少靚相。問到他們一家三口拍攝時的趣事?「鋒嫂」陳麗麗今日接受《蘋果》電話訪問時說:「拍攝嗰日好順利,囡囡冇乜特別,我之前一晚同佢『訓話』,我話聽日會帶你去影靚靚,你要抖足精神,啲相會留嚟百日宴用㗎,於是佢嗰朝早係咁瞓,去到現場先醒,醒咗仲眼仔睩睩,仲識望住鏡頭,又會笑,好老積,當日我哋都遲咗去,都怕唔夠時間,最後比預期時間仲快搞掂,攝影師話未見過小朋友咁定,仲有camera face。」相中的小黃妃好可愛,但陳麗麗卻笑指囡囡是「老粗」:「我同佢着咗裙仔,同佢擺好甫士,但一撳相機,佢就腳一伸,展示佢條美腿。」

娛聞樂陪你走遍全球追星,即Like「娛果」FB 專頁!
BannerBanner