【娛樂人物】二創抗爭歌苦中作樂
梁栢堅:林鄭衰到唔想寫

更新時間 (HKT): 2019.11.10 02:20

現年43歲填詞人梁栢堅,自香港逆權運動以來,不時以二創抗爭歌幫大家苦中作樂。早前他在「黃店」接受《蘋果》專訪,食肆尚未開門營業,身為熟客的他自己開酒斟酒,飲完威士忌再飲瓶上有雨傘圖案的紅酒,一個訪問連乾三大杯,問他最想改詞唱衰哪個?梁栢堅說:「太多人太多團體,不過林鄭、葉劉嗰啲唔唱已經衰,連寫佢都唔想。」
撰文:余燕儀

攝影:仇志德

梁栢堅受訪時自嘲是廢中,連登都懶得上,他說:「好多人話我係連登仔,我唔係囉,我會睇嘅,我其實好懶post嘢,連登太快,我不如用真account post Ig,我又冇讀書又冇做嘢,一起身就上網,上到臨瞓覺,上晒網癮。」30歲轉行填詞的他最愛這份工,因為夜晚蒲完,第二天不用早起返工,以前玩世不恭的他,身處亂世惟有藉二創抗爭歌,幫大家苦中作樂。他說:「我本身個人低能,低能嘅人係冇目的,開心當賺咗,大家咁唔開心,如果大家有反應,令你舒服啲,已經係免費娛樂。」

越戇居越要唱衰

早前改編吳國敬《我說過要你快樂》成為《我說過接你放學》熱爆網絡,梁栢堅卻指自己沒接過「仔女」:「車牌都冇,成日喺度飲酒,點接。因為我啲朋友接放學,同佢飲開傾開,好多感人古仔,仲好笑有次同藍奕邦飲嘢,佢講咗句『我說過接你放學』,佢話好多年啦,因為𠵱家接放學有另一個含意,我話正喎,我偷你呢句用,第二日用10分鐘搭程車寫好。」最想改詞唱衰哪個?梁栢堅說:「嘩,太多人太多團體,嗰班人唔唱已經衰,我已經玩到悶,譬如林鄭、葉劉嗰啲,有啲人根本上連寫佢都唔想。有啲好笑,佢越戇居越要唱,其實唔係去整衰佢,係笑佢,X,你點解可以咁低能!何君堯都得意,有人畀條橋我《DQ博士》,用兒歌嚟玩佢,馬蹄露私了都好笑。」早前他就以謝霆鋒《非走不可》改歌詞去諷刺馬蹄露被「私了」。

問梁栢堅身邊有沒有朋友站出來抗爭?他飲着雨傘紅酒笑說:「拉晒啦!咁講啫,抗爭唔一定用行動,可能文宣,一個短訊一張海報一份改詞一張改圖,可能令某啲嘢發生。」早前網上有一對抗爭情侶,戴着黑色口罩深情對望相擁的相片,梁栢堅借用張國榮《今生今世》的歌詞改成:「願意今生約定,煲底再擁抱」,他透露是在飲醉下寫的:「覺得嗰句幾正,之後有人用咗貼落葵芳連儂牆嗰度,可以煲底再擁抱同飲酒係好嘢。」

零工作不怕封殺

娛聞樂陪你走遍全球追星,即Like「娛果」FB 專頁!
BannerBanner