【抗暴之戰】林作連登開Post提供法律意見:烈士,不只在街頭做

更新時間 (HKT): 2019.11.19 10:36

連續兩日理大被防暴警重重包圍,施放催淚彈及出動水炮車,有多人受傷及被拘捕,情況慘烈!理大舊生邵仲衡、梁芷珊先後拍片呼籲大家一齊救救理大,鄭敬基、阮民安等又到理大附近做和理非出手協助,影帝黃秋生則到Twitter發聲,良知藝人都透過不同渠道出一分力。

曾為大律師、因作風與眾不同而成為「連登仔」恥笑及討厭的林作,凌晨於網上討論區連登開Post,為抗爭者及同路人提供法律意見。林作於連登寫道:「各位,在下不才,於兩年前曾經做過兩年大律師,執業於城中最老牌張奧偉爵士大律師事務所,即係余若薇、陳景生嗰間,亦係清洪徒弟。亦獲得大律師公會頒發獎學金。咁樣晒命晒quali,唔係認威,只係希望平日可能喜歡恥笑本人嘅各位手足,可以放心聽我以下建議。本人已不是大律師,卻恰恰可能因為咁所以可以暢所欲言,不受限制。」

林作呼籲抗爭者不太需要害怕被捕,最重要的是被捕後的說話:「你可以不相信法治,但至少不要蠢到覺得法官會同警察勾結。我們律師從不怕客戶被拘捕,只怕客亂說話。警方對事件的定性,不等於罪名的指控。如果有任何法律上嘅問題,歡迎大家提問。」

有網民不屑林作幫助,留言譏諷:「此post已完,裙腳仔,靠老母。10A都嫌佢X飛咗佢,講嘢1999,仲以為自己好笑,唔知係咪做大律師冇生意做kol,結果有目共睹。」而林作亦回覆道:「你可以咁睇,但,也可以睇,喺我目前同屆大律師裏面,我搵錢最多最出名。anyway唔係呢個時候比呢樣啩。」亦有網民撐林作,表示如果林作真的那麼「垃圾」,也不會拿得到獎學金。

最後林作表達他的見解:「好多人認為法治已死。OK,我明白,不過法庭仍然在。烈士,不只在街頭做,上到法庭,全世界都要見到嘅地方,你就更加可以話畀世界聽而家香港係點。高院、上訴庭、終審,有的是機會。」由於問題眾多,林作更自拍了一段長達3分多鐘的影片上載到IG,向一眾有法律需要的人士慢慢講解。

娛聞樂陪你走遍全球追星,即Like「娛果」FB 專頁!
BannerBanner