【後繼無人?】甄子丹放話功夫片拍到攰 袁和平建議搵接班人

更新時間 (HKT): 2019.12.04 19:50

甄子丹、葉偉信導演及動作導演袁和平今日現身深圳宣傳《葉問4:完結篇》,甄子丹透露繼續拍《葉問4》皆因和葉偉信有個約定,一定要找到新的角度才會拍,葉偉信則說:「葉問係李小龍師傅,當年李小龍功夫影響全世界,師傅葉問都好有影響力。其實除咗詠春,中華武術好多師傅,喺嗰個年代,都有發揮佢哋嘅影響力,所以當時我拍完第3集,就覺得呢個故事應該係睇中國功夫點影響全世界。」

甄子丹表示過去跟不同對手比試,拳王泰臣(Mike Tyson)最令他難忘:「因為我係一個拳迷,佢本身喺拳壇就係一個傳奇,知道同佢對打,我係抱住演員同拳迷嘅心態同佢對打,嗰次印象好深刻;另外《葉問2》同洪金寶圓桌對打都好深刻,同張晉決戰場面亦都好深刻。」

早前甄子丹宣佈不再拍攝功夫片,今日再有記者追問,甄子丹強調:「我唔再拍功夫片,唔等於我唔再拍動作片,因為武俠片可能需要吊威也,動作片可能混入了格鬥或者科幻元素,但功夫片只會喺中國電影圈至出現,喺外國唔會有,演員演功夫片必須要有深厚功夫底子同水平,要有特定節奏,一招一式、腰馬等表現風格,係其他動作片冇,但呢類片我拍到攰啦!」

袁和平看着甄子丹入行,知道甄子丹不再拍功夫片,坦言十分可惜,他說:「佢啱啱入行時有啲懵懂,但佢一直好努力學習,到而家已經有超水準表現,而家後繼無人,希望佢可以為影圈搵到可造之材傳承落去。」

娛聞樂陪你走遍全球追星,即Like「娛果」FB 專頁!
BannerBanner