汪明荃惋惜黎小田離世

更新時間 (HKT): 2019.12.04 02:20

汪明荃(阿姐)和梁兆明昨日到將軍澳錄影粵劇折子戲《德齡與慈禧之母子反目》,對於黎小田(Michael)日前因病離世,阿姐表示當年在華星年代出碟時,曾與黎小田合作,她讚對方作品別具一格,兩人亦有在節目《名曲滿天星》中合作,阿姐說:「佢真係獨具慧眼,捧紅唔少巨星。我知佢病咗後,都託薛家燕問候佢,本身話佢冇乜事只係休息,所以對佢離開都覺得好惋惜。」

另外,蔣嘉瑩前晚出席歌迷見面會時,提到當年入行獲黎小田提攜,她忍着淚說:「收到消息好唔開心,前幾日都有心理準備,咁啱我嫲嫲過身,唔方便去探Michael。我16歲出道時已認識Michael,佢有教我唱歌,話畀我聽娛樂圈係點,佢係我恩師,會懷念佢。」採訪:張明

娛聞樂陪你走遍全球追星,即Like「娛果」FB 專頁!
BannerBanner