【要有啲想像力】黃婉曼考慮讓兩女插手舖頭設計 趁機發揮創意

更新時間 (HKT): 2019.12.08 13:20

黃婉曼(Icy)自從到日本修讀完藍帶課程後,便在飲食界大展拳腳,於將軍澳開設麵包甜品店。今日她在餐廳與患有讀寫障礙的小朋友齊齊做聖誕佈置,讓小朋友於餐廳的落地大玻璃塗鴉。

Icy很開心可以與小朋友合作,直言很欣賞會畫畫的人。育有兩女的她說:「不過阿女同我一樣冇乜畫畫天份,佢哋鍾意唱歌跳舞多啲。阿女主要都係畫線條,我都要靠想像力諗吓佢哋畫咩,遲啲都想畀佢哋設計吓啲包裝盒、餐牌,畀佢哋發揮吓。」

問到聖誕會否外出旅遊?Icy笑謂聖誕要到餐廳幫手,幸好兩個女兒年紀還少,不會投訴。平日一家四口亦不時到餐廳幫忙,問她兩位女兒有冇成為集郵對象?Icy說:「反而係我同呢度啲小朋友玩多啲,因為我好多外國人客人,有日本同韓國。佢哋帶埋啲小朋友嚟,真係好得意,試過熱嗰陣,啲小朋友唔着衫喺度行來行去。」

Icy笑言兩個女兒雖然不會要求旅行過聖誕,但兩歲多的大女,開始對衣着有要求:「佢開始鍾意公主裙,我自己唔係好接受到,不過佢覺得靚就畀佢啦。我今年嘅聖誕任務,就係幫阿女搵件藍色、bling bling裙,佢見我個頭今日整咗bling bling,佢好妒忌,哈!」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner