【叉完電再開工】張文采轉職醫療機構 公關司儀主持乜都做

更新時間 (HKT): 2019.12.10 06:03

現年34歲的張文采(Wendy)上月25日最後一次現身無綫新聞報道後,正式結束10年主播生涯;談得失,她笑言一定是失去了10年青春,但也不得不答謝舊公司多年來的提攜,令她學會了很多。

休息大約3星期,Wendy便會投入新工作,在一間醫療機構上班,屆時亦會在鏡頭前亮相。她透露:「會做一啲網上醫療節目,會訪問吓啲醫生,另外司儀同公關工作都會有,算係一個新嘗試,我都好多謝新公司肯等我3個月。」

一份工做足10年,說長不長,說短當然不短,Wendy回憶當初入行只是偶然。她說:「其實真係無諗過份工會做到10年,當年入行係偶然,讀完大學媽咪話梗係要做番Media啦,於是寄信去唔同電視台,本來打算做記者,但全部都無回音,最後亞視有回覆,但都係請主播,嗰時諗住入咗去先算,做咗幾個月之後遇上TVB挖角,咁就開始咗10年主播生涯。」

不過,除了看新聞報道,不少人認識Wendy是因為她曾經在娛樂版出現,當年她和羅鈞滿拍拖,最終分手收場,Wendy還在網上貼文自嘲愚蠢,白白浪費了4年時間,幸最後她終於遇到對的人,去年10月和任職消防員的男友結婚,正式成為人妻。重提舊事,Wendy仍表示完全沒有想過會在娛樂版出現,「當時好唔開心,因為只係好單純覺得只係做傳媒,唔明點解做主播會出現喺娛樂版,但之後都明白,可能主播平時喺電視出現,都係靚靚咁坐喺度,大家唔認識會覺得好神秘,想有興趣知。」

娛聞樂陪你走遍全球追星,即Like「娛果」FB 專頁!
BannerBanner