【拍完冇戲癮】李嘉欣4日瞓得6個鐘 扮楊貴妃最唔慣通頂

更新時間 (HKT): 2019.12.12 21:53

李嘉欣與老公許晉亨及兒子許建彤(Jayden Max),今晚到中環聖約翰堂,出席聖誕音樂會籌款,同場出席還有歌手蘇珊、艾永玲及其兩名混血女兒等。

李嘉欣今年9月為大陸綜藝節目《演技派》擔任嘉賓,以楊貴妃造型出現,有報道指嘉欣收取巨額5,000萬酬勞,嘉欣說:「5,000萬誇張咗少少,係拍咗4日冇瞓過,工作唔算多,但因為古裝要花3、4個鐘梳頭,要拍通宵真係好唔慣,今次係好好經驗,係楊貴妃愛情故事,試過玩過都OK ,唔會因為咁戲癮大發。」嘉欣指今次不能說成復出,因為一向有工作,她說:「睇過劇本覺得幾得意,但係4日嘅工作,原本應該用8日拍,拍咗4日只瞓得6個鐘。」嘉欣否認被瞞騙而接辛苦工作,反而讚工作人員專業。嘉欣表示,早前因為工作,首次沒陪伴愛兒共度中秋節,Jayden亦有看她的演出:「佢睇咗問我點解個頭咁嘅。」

去年Jayden臨時為是次活動表演朗讀,今年主動參與,嘉欣說:「佢睇兩、三次就記得,記憶力幾好,佢讀書成績過得去,活躍得嚟好正面,有啲嘢做得唔夠好,下次會做好啲。」Jayden面對眾多鏡頭表現大方,嘉欣說:「佢同我講話想一齊出嚟。」對於Jayden有否潛質做幕前,嘉欣說:「佢有潛質做生意,或者做佢自己鍾意嘅嘢,咁細個未知想做咩,不過佢鍾意煮嘢食、睇書研究歷史、做運動打golf。」

採訪:張明、攝影:沈健程

娛聞樂陪你走遍全球追星,即Like「娛果」FB 專頁!
BannerBanner