【連咀2次】C君認暗戀老婆10幾年 自爆結婚因為黃子華

更新時間 (HKT): 2019.12.13 19:45

36歲的鄭詩君(C君)今日與拍拖5年、35歲的港台DJ女友黃天頤結婚,兩人今晚於中環四季酒店設宴。約6點左右,新娘黃天頤以象牙白色婚紗與換上灰色西裝的C君齊齊出現,一對新人雖然怕醜,但在影完相後,亦好識做地應傳媒要求連咀2次。

提到陸永爆C君已暗戀天頤20年,C君聽後即澄清說:「我唔係暗戀,係明戀。」而老婆天頤就笑謂:「紙都係包唔住火,我幫唔到你。」當得悉是好兄弟陸永爆料時,C君說:「佢有乜資格去評論我?佢擺過酒,經過呢個測試先啦,今日之後我敬佩所有擺過酒嘅人,因為真係好攰。」C君又笑指麥玲玲給他們的吉時太夜,雖然都有幾小時休息,但真的很累。提到他化身美少女戰士中的「水野亞美」接新娘,C君話:「我都唔明點解唐詩詠會覺得我細個鍾意美少女戰士,大個仲要鍾意到化身埋佢?我仲以為同佢(唐詩詠)好friend!」至於唐詩詠指沒想到C君會結婚,以及表示他的「愛的誓言」很感動,C君說:「我單戀咗佢10幾年,終於可以同佢拍拖,唔通我諗想快啲分手咩?梗係想開花結果啦。」C君又透露結婚是因為黃子華,他說:「佢曾經同我講過,如果搵到一個可以相處得好好嘅伴侶,就應該要諗『佢唔會為你帶嚟幾多唔開心』,既然一個咁有智慧嘅人都咁講,令到我諗結婚呢樣嘢。」

問到兩人是否從來沒有吵架?天頤說:「其實係籌備婚事冇嗌交,平時當然有。」至於C君則說:「都係呀,如果咁相敬如賓就好悶。」對於陸永指兩人是老夫老妻,C君說:「佢冇拍過拖就結婚,又冇拍過拖就生仔,任何人對於佢嚟講都係老夫老妻啦。」而天頤則爆陸永以前拍拖,戀情大多不到兩年,C君則笑言不會評論陸永的戀情:「只可以話佢有責任感。」

C君又透露他的「愛的誓言」,其實是來自黃子華棟篤笑中有關婚姻主題的內容:「其實都係為咗搞笑,我唔係為咗感動佢,但原來見佢着住婚紗行入嚟嗰一刻係真係會感動,我自己都有眼濕濕。」他又指今晚找了《100毛》主播專家Dickson做MC,而婚後將有幾天休息時間,至於度蜜月則要等待下年才可成行。

採訪:盧妹、攝影:陳俊強

娛聞樂陪你走遍全球追星,即Like「娛果」FB 專頁!
BannerBanner