【娛講Video Talk 2】梁芷珊獲謝賢傳授不老秘方:最緊要做一樣運動

更新時間 (HKT): 2019.12.13 09:15

男人女人都追求逆齡,昨日《娛講》Video Talk請到嘉賓森美、梁芷珊和化學博士K Kwong(KK),跟大家分享化學教逆齡方法。

森美認為心態很重要,秘訣是最緊要咸濕:「皮質醇減少,壓力少,成日開心皮膚自然靚,經常覺得自己要咸濕,成日覺得自己作戰狀態,睇《三個小生去旅行》,謝賢同修哥(胡楓)差唔多年紀,但外表謝賢感覺young好多,因為成日有青春少艾喺身邊,我唔敢話謝賢咸濕,但男同女都要長時間喺作戰狀態,荷爾蒙就會改變,自然青春,我敢擔保KK本來外表仲老,就因為夠咸濕。」KK大笑:「講中晒。」

芷珊就爆謝賢的不老秘方:「記得20幾年前,謝賢同我講,最緊要做一樣運動:踎低起身,行路彈吓彈吓,膝頭哥唔彎,證明仲有膠原,體態會好啲。」森美:「失望添,以為四哥話床上運動,哈哈哈。」

娛聞樂陪你走遍全球追星,即Like「娛果」FB 專頁!
BannerBanner