【十年冇見】郭富城驚喜重遇譚真一︰同我一樣咁高大

更新時間 (HKT): 2019.12.14 16:57

郭富城昨晚在尖沙嘴,出席由香港電影評論學會舉辦的「不正常角色演。練。變」座談會,會上分享他演過角色的心路歷程。在座談會中,有答問環節,現場的觀眾好湧躍舉手發問,其中一位發問的觀眾,令城城既驚且喜,原來他正是10年前跟城城合作拍電影《殺人犯》的譚真一。

在昨晚座談會的直播中,一直坐在觀眾席的譚真一拿起咪向城城發問,他說︰「Hello,你記唔記得我呀?你一開頭想『鏈』死嘅乞兒仔。」得悉是譚真一,城城十分驚喜站起身,並以爸爸的口吻說︰「哎喲!你都長大咗咁多。」

譚真一亦走到台前與城城先來過擁抱,城城表示已有10年沒有見真一,回想當時他只有4、5歲。城城更笑謂︰「當初點解會揀你呢?其實我都好後悔,因為你太細啦。」城城還分享當時有兩位童星可選擇,為何會選他呢?城城說︰「因為佢夠古怪,佢媽媽畀咗兩篇對白稿,佢一字不漏背晒出嚟,跟住佢媽媽就請佢食雲吞麵,夠古怪就好啦,所以搵咗你。但你有個唔好處,就係太可愛。你太可愛,到最後演出時無辦法呈現出,你講嘢咁可愛,我點會覺得你係個40歲人呀!」譚真一回應說︰「咁先至夠出奇不已。」

城城大談當年拍這部片的遺憾事,他說︰「當時我哋冇將你,其實我哋又冇錢啦,冇將你嘅眼神用CG呈現出嚟,有兇靈嘅感覺。當時我同導演講,一部戲成與敗,小朋友都好重要。」主持人問當時城城有否掟真一落海,他說︰「掟到佢飛起。」之後城城還搭住真一說︰「佢長大咗同我一樣咁高大,仲大隻過我添。」城城還問真一現在做什麼?真一表示現在正就讀中五。

今年16歲的譚真一,自4、5歲起便開始當童星,拍過不少電視劇,如《富貴門》、《愛‧回家》、《親親我好媽》以及《老表,畢業喇!》,2009年與郭富城合作《殺人犯》,其最後一句對白︰「我又諗起你老婆。」令人留下深刻印象。

娛聞樂陪你走遍全球追星,即Like「娛果」FB 專頁!
BannerBanner