揀老婆要謝安琪
姜濤歌視雙棲 攻台灣拍劇

更新時間 (HKT): 2019.12.18 02:20

姜濤自去年贏出ViuTV《全民造星》成為冠軍後,人氣爆燈,繼6月處男下海拍劇集《退休女皇》後,再獲公司力捧,明年率先搶灘進軍台灣拍偶像劇,挑戰當地小鮮肉演員,而MIRROR也會出大碟,實行歌視雙棲出擊。姜濤日前接受《蘋果》專訪,在八女中挑選謝安琪做老婆,只因他喜歡女神的歌聲。

現年20歲的MIRROR成員姜濤,自出道後工作不斷,過去一年他與其他MIRROR成員獲安排參與電視台劇集和節目拍攝,除了合體拍過綜藝節目《MIRROR GO》,MIRROR其中七位成員近日跟鄧麗欣拍ViuTV新劇《男排女將》,而江熚生(Anson Kong)早前則跟歐錦棠及文頌嫻合演另一新劇《打天下》。備受力捧的姜濤,據悉明年更會進軍台灣拍偶像劇,他也會跟其他11位MIRROR成員合體一起拍ViuTV偶像劇,除此之外MIRROR明年亦會推出大碟,全力出擊。

訪問多感矛盾

就姜濤明年到台灣拍偶像劇,經理人黃慧君(花姐)昨未有回覆。不過日前姜濤跟花姐一同接受《蘋果》專訪,他卻似乎對於過去一年工作、訪問不絕感到矛盾:「我都同佢(花姐)講入咗行後都唔係做緊我想做嘅嘢,或者係好多好無謂……包括好多訪問,完全好似唔係我,完全唔係想像中,但冇辦法,好矛盾。你唔做呢啲大眾好快唔記得你,更加唔會等你train好晒先再出嚟,因為你已經出咗道,你需要一定曝光率。我都冇辦法,惟有一邊出道一邊學習,香港演藝圈全部都係咁。」

聲稱單身的姜濤,要他跟花姐一同為自己揀老婆,在謝安琪、麥明詩、莊端兒、陳茵媺、鄭家純、袁澧林、鄺潔楹和花姐8位各具不同美態的女士中揀選一個,結果姜濤與花姐不約而同揀了謝安琪,他解釋:「好鍾意聽佢首《囍帖街》,佢唱歌好聽。」

明年推出大碟

除了姜濤赴台拍劇外,MIRROR成員邱士縉(Stanley)也獲安排拍台灣偶像劇,他昨日接受電話訪問說:「好興奮,我都希望喺演員方向定位,不過我唔係同姜濤一齊拍。」ViuTV在去年宣佈姜濤及Anson Kong等幾位MIRROR成員將會拍攝新劇,AK昨日接受訪問表示:「聽講會寫過另一個古仔,由我哋MIRROR 12個人一齊做。」AK本想入行做歌手,但如今各成員不停拍劇,會否感到難適應?AK笑說:「初初會有啲唔知點,但啱啱拍完《打天下》,真係拍得好開心,覺得好好玩。」AK又透露MIRROR明年會出大碟,目前只欠幾首歌便完工。

娛聞樂陪你走遍全球追星,即Like「娛果」FB 專頁!
BannerBanner