【搞喊劉心悠】黃子華想自由自在拍戲 感慨︰政治可以摧毁亦可以幫助

更新時間 (HKT): 2020.01.14 21:50

由黃子華自編自導自演的賀歲片《乜代宗師》今晚於尖沙嘴舉行首映禮,演員劉心悠、周家怡、許紹雄、陸永及C君(鄭詩君)等出席。子華叫大家不用擔心,雖然他賣樓拍戲,但依然有地方住。黃子華今次開拍《乜》片波折重重,有指該片原本由英皇公司投資,但因題材未能取得內地批文,有指電影公司撤資,最後黃子華惟有自掏腰包,賣樓籌製作費自資拍攝,拍攝地點由原來的香港改為深圳。

可是近日有網民發起罷睇「紅」戲,黃子華近半年未有對香港時局表態,有人非議他不夠「黃」,建議港人看他的賀歲片要三思。黃子華日前於網上澄清因資金不足,只好賣樓籌錢及改到深圳拍攝。他在社交網表明心迹︰「部戲完全只是想拍畀香港人睇,唔揀合拍片,因為我係想自由自在拍戲,無論題材、表達手法,我唔想有人去censor我。」

今晚首映,黃子華指收到不少網民及朋友的鼓勵和支持︰「自己都有兩秒淚光,好多朋友好緊張,雖然我賣咗層樓,但我仲有地方住。最緊要部戲好,大家入嚟支持就得。」他又特別多謝女主角劉心悠,去年1月對方答應他飾演拳手,最初找心悠是看中她跑馬拉松,但到訓練時才知大鑊︰「心悠冇肌肉,最初連半下拳上壓都做唔到,咁我就地獄式訓練佢半年,每個星期3、4日,每次6個鐘,試過跟佢訓練,自己都嘔白泡,因為要練大隻,先要谷肥佢,大家都驚佢返唔到轉頭,之後又要佢節食戒鹽,折磨咗佢半年。佢真係好黐線,之前叫佢喺首映騷肌,點知佢拍完半年佢仲繼續訓練,真係騷肌畀大家睇。」而心悠回憶這段艱苦歲月不禁落淚,喊到收唔到聲,持續10分鐘之久,她說︰「之前受傷打石膏都繼續拍,傷咗左手用右手,傷咗右腳用左腳。」子華補充心痛她「打到殘晒」。

現場所見子華右手掌包紮住,原來是拍戲時骨折,不過已逐漸康復。子華表示今次做導演好辛苦︰「有時嗌咗action,自己都唔記得埋位,部戲好多波折,監製話齋,遇難情長,有時搵到代替演員更好,香港局勢又唔同咗,都有開會諗繼唔繼續。」但他否認最初是英皇投資,他說︰「呢部一直係我投資,同英皇合作係另一部。」他又表示因為很多演員及監製都沒有收錢拍,所以都希望賺錢,可分錢給他們。他表示今次是有史以來投資最高的港產片,超過8位數字。對於網民的批評,他說︰「政治可以摧毁亦可以幫助,但都唔值得高興。」

至於心悠則表示︰「終於嚟到今日,訓練時真係好大壓力,最初由一下掌上壓都做唔到,到而家分開做到100下,而家好想打擂台,尤其想打敗訓練我嘅老師,我試過由48kg增到55kg,好開心拍呢齣信心保證。」

娛聞樂陪你走遍全球追星,即Like「娛果」FB 專頁!
BannerBanner