【口同鼻拗】劉德華個唱換票被投訴摸門釘 主辦稱有通知改日子

更新時間 (HKT): 2020.01.14 23:30

劉德華前年原定在紅館舉行20場「My Love Andy Lau劉德華World Tour」演唱會,惟因患流感取消7場演出,主辦機構安排觀眾退票或換票,華仔向紅館申請檔期補場,將於下月15-28日舉行12場演唱會,本報收到讀者董小姐投訴,根據指定日期到九展換票,才知改了日子,激到一肚氣。

讀者董小姐在電話表示,早前應主辦機構要求,在網上做了換領手續,並收到確認信回覆,於1月4-19日到九展辦理換票:「我今日去到九展,場地保安話改咗日子,乜你唔知咩?服務台仲問『乜你冇上華仔天地睇』,我冇諗過冇任何通知情況下摸門釘,冇諗過咁兒嬉。」

董小姐勞氣表示:「打好耐電話冇人聽,send email去問,收到回覆話改日子。我唔係質疑華仔問題,但主辦安排真係好有問題,應該細心關懷登記咗嘅人,唔係要我哋摸門釘。今日去到先知道改日子,仲要我唔聯絡對方,都唔發呢個email畀我。」

《蘋果》向主辦機構了解,發言人表示:「我們於12月12-13日已經個別發出電郵或短信予已登記/補購人士通知更改領票日子的信息。敬請相關人士翻查電郵或手機短信了解取票的最新安排。」

娛聞樂陪你走遍全球追星,即Like「娛果」FB 專頁!
BannerBanner