【黃何大戰】何君堯支持者港台門外舉中國國旗:支持戰狼

更新時間 (HKT): 2020.01.14 19:27

今晚8時,黃秋生和何君堯接受港台《視點31》訪問,兩人在節目上「論良知.談正義」,主持是利君雅,這場世戰大戰全城矚目。

在黃何大戰開始前1小時,約有逾200人聚集在港台電視部門外,大部份都似年過4、50歲的大媽、大叔,有人攞紙牌「支持戰狼」,還高舉一支中國國旗,之後再拉白色橫額「反暴力 愛和平 撐警察 護安寧 支持戰郎何君堯」,有一名似帶隊的女人向眾人下指令:「一陣何君堯嚟,我哋要大叫口號:支持何君堯!支持何君堯!」又有位大媽拿着大咪說:「何君堯叫我影張現場相畀佢睇,佢睇到話:『嘩,原來咁多人呀。』」她又嗌咪吩咐眾人,一陣何君堯到達後千祈咪起哄,他要趕入去化妝。

其間有一架七人車駛入港台,有名女人高叫:「一定係狗雜種,如何係何君堯,一定拉開窗簾見我哋。」不過,有港台員工表示,這架是港台的車輛。

由於這班大叔大媽霸着行人路,阻礙住在廣播道的居民返家,有居民要求:「可唔可以畀條路嚟行吓。」大叔大媽噓聲四起,一名似領隊的男人說:「嗰啲街坊嚟,唔好同佢哋嘈。」

娛聞樂陪你走遍全球追星,即Like「娛果」FB 專頁!
BannerBanner