【黃何大戰】利君雅披甲上陣連番質問 奸笑截停K.O.何已完

更新時間 (HKT): 2020.01.14 22:18

黃秋生和何君堯的世紀大戰,原定今晚在港台《視點31》上演,惟因秋生外父逝世兼自己切傷手,未能上港台親戰何君堯,換成由主持利君雅披甲上陣,K.O.何君堯的廢話連篇,何君堯還未說完,但節目已完。

單挑何君堯的利君雅說:「秋生表達咗對時勢意見,你係一位好熱心支持警隊嘅人,秋生過去大半年對執法問題上心,有人覺得警察執行正義,有人會反問警察良知去咗邊?以你所睇點解會有呢個反差呢?」

何君堯先表示:「首先我對黃生屋企發生嘅事非常難過,對佢表示慰問,希望佢已故嘅親人安息。我聽佢講嘅說話,同我哋一般人嘅價值觀唔係相差好遠,我認同一樣嘢,就係法治理念,唔係撐邊個唔撐邊個,我企喺道理嗰面,有目共睹香港立立亂,無論乜原因,政府施政不善乜都好,呢個係其中原因,但唔代表人哋錯你可以做錯,我冇聽到佢話撐暴徒,佢都係企喺香港人立場,香港人奉公守法、勤力、永不言敗、克服困難精神,價值觀係做好事,唔係永遠唔認錯,遺憾佢未能出席,如果唔係可以交流。」

之後利君雅問:「佢剛才提到而家情況似乎有啲黑白不明,你話要體現法治,黑白不明下如何體現法治?」何君堯表示:「我隱約聽到佢話有啲差人執法唔好,我哋唔會否定咁嘅情況,理念係咁,但執行有偏差,唔代表制度有錯。」

利君雅質問:「嗰堆有偏差嘅,係咪要繩之於法?」何君堯:「任何人都係,唔係針對警察,唔係針對7.21,任何有犯法嘅差人、市民、議員、暴徒,任何人喺香港必須要守法,噚日法律年度開幕,四位講者同樣講法治精神,唔好有暴徒令香港跌入混亂情況,心傷見到兩間大學成為暴徒佔據地方……」

利君雅截停何君堯的廢話:「雖然你覺得7.21唔應該再睇,但網民同公眾反應,下個月7.21踏入6個月,但好多嘢未釐清,你覺得最大問題係乜嘢,包括你喺呢件事嘅角色?」何君堯:「由始至終,我講得好清楚,的確我喺選舉失咗票,好多人將7.21同我掛鈎,但呢個完全違背咗法治理念……」

利君雅追問:「你講呢個問題,咁啱真係有網民問你有冇後悔支持白衣人而落選區議員同受到制裁?」何君堯:「我由始至終支持守法,只不過明白有人挑釁,亦動議譴責林卓廷,6月見到一浪一浪暴力事件發生,有人帶一班人去元朗……」

利君雅再閘停並狙擊:「你講開呢樣嘢,各大媒體都有追查片段時間,你提到林卓廷入去,睇番第一宗發生襲擊時間,其實係10點前,有個廚師無端端俾20個人打,你所講林卓廷當時大約10點45分先喺元朗車站出現,似乎事件先後次序,並唔係某人突然出現挑釁而發生,反而追溯番,喺下午3點已經有人喺街頭聚集,有攻擊性武器,呢樣你點睇?」

何君堯:「實際上我知道嗰日最重點係西環,國徽被損毀,嗰日我有晚飯出席,9點半離開,然後車朋友去元朗,就係咁,所以你講3點乜事,9點45分乜事,我完全冇知悉,反而關注點係西環。」利君雅追問:「究竟林卓廷算唔算去挑釁?睇時序10點前已有事發生。」何君堯死撐「算係。」

利君雅:「你話佢哋保家衛族,唔會同佢哋割席。」何君堯指原居民滿腔熱血,利君雅問:「咁係咪佢哋打人理由呢?係咪你眼中嘅正義?」何君堯:「我理解、諒解,等於你哋見到黑衣人去裝修、私了……(下刪數百字)」利君雅:「你提到私了大約8月出現,其中有啲人覺得7.21前幾日,已經有情報預示有暴力,點解冇警察?」何君堯:「呢個問題唔係我答。」利君雅:「你作為新界西立法會議員,你都要關心佢哋。」何君堯:「我關心,7.21我嘅結論,要追究嘅需要追究,冇任何偏袒……」

時間去到8時30分,何君堯未說完,利君雅奸笑:「好嘞,唔好意思,我哋傾到呢度,節目時間差唔多,我哋有機會下次再傾過。」完。

網民紛紛留言:「Cut廠啦!咪X畀佢Solo廢up啦」、「君雅代秋生披甲大戰何已完,令已完狗態畢露!好棒」、「辛苦晒君雅」、「Finished Ho 知唔知自己講緊乜」、「何已完,啱喇,繼續追溯番之前再之前,追討源頭啦!」

娛聞樂陪你走遍全球追星,即Like「娛果」FB 專頁!
BannerBanner