【爆相爆片】劉浩龍孤獨精飲悶啡 任達華有粉絲圍合照

更新時間 (HKT): 2020.01.14 00:30

劉浩龍自從和容祖兒分手後,雖然寄情工作,但工作量就不算多,日前他單拖現身跑馬地,先去銀行櫃員機撳了2,000元,再到咖啡店打發時間,被讀者吳先生透過「爆相爆片」分享。

吳先生在電話表示:「嗰日大約朝早11點,見到劉浩龍喺跑馬地滙豐銀行撳錢,大約攞咗2千元,之後上咗附近一間咖啡店飲嘢。見佢入去後同店員打晒招呼,似乎係熟客,佢邊飲咖啡邊玩手機,大約坐咗半粒鐘就走。」

另一日,吳先生同樣在跑馬地遇上任達華,他說:「大約2點,見到任達華喺成和道麵包舖買咗兩個提子包,有對夫婦認得佢要求合照,華哥好nice應承,之後上車時又有名男街坊同佢打招呼,華哥主動同人握手。」

雖然劉浩龍和任達華都是單拖出巡,不過據讀者提供的「爆相爆片」,華哥明顯比較受歡迎,不時有街坊跟他打招呼和合照,相反,劉浩龍卻全程「孤獨精」冇人理。

娛聞樂陪你走遍全球追星,即Like「娛果」FB 專頁!
BannerBanner