【好在冇變雪條】唐詩詠開雪櫃見愛貓嚇到尖叫 唐爸爸:湊B易過湊貓

更新時間 (HKT): 2020.01.21 12:14

自封貓奴的唐詩詠,家中有3隻愛貓,其中5個月大的「蛋蛋」是她的新寵,昨晚唐詩詠在社交網貼「蛋蛋」身處雪櫃內的短片,懷疑是唐爸爸打開雪櫃時,「蛋蛋」趁機跳了入裏面,唐爸爸不為意閂雪櫃,幸其後唐詩詠開雪櫃發現,「蛋蛋」才沒變雪條。

唐詩詠經常在網上分享愛貓趣事:「扮可愛的惡爺,如果你唔同佢玩,佢會不停咬你隻腳。」幸好今次「蛋蛋」平安無事,網民紛紛留言:「好彩冇變雪條」、「佢真係咁百厭㗎」、「曳仔有冇打乞嗤?」唐詩詠逐一回覆:「乜事都可能發生」、「佢好開心」、「唔願走」,有網民更抵死表示:「你爸咁用心良苦兜咁大個圈嚟暗示你...哈哈哈!你識做啦。」

娛聞樂陪你走遍全球追星,即Like「娛果」FB 專頁!
BannerBanner