【武漢肺炎】男友為賣口罩起混亂致歉 陳庭欣成代罪羔羊被網民插

更新時間 (HKT): 2020.01.27 21:32

【新增內容】

武漢肺炎肆虐,口罩被搶購斷市,香港一罩難求,陳庭欣男友是彩豐行老闆Benny,昨晚陳庭欣在社交網貼男友在貨倉的相,指男友開OT準備口罩今日應市,助市民解困;然而,今早大批市民湧到各分店排隊,結果空手而回,有讀者更投訴口罩疑坐地起價。

讀者陳先生表示,他今早到旺角分店排隊,已有數百人長龍,一包得3個口罩,每人限售15包,陳先生說:「我10點幾去到已經排長龍,聽買咗嘅人講,每包$12.9,得3個口罩,排咗一陣之後,前面傳訊息過嚟,啲人話16蚊3個口罩,坐地起價。」開店不足半小時,口罩已沽清,店員叫頭50位登記,其他人士無得登記買口罩,很多市民鼓譟。

有大批買不到口罩的市民,更湧到陳庭欣的社交網圍剿,甚至爆粗狂插:「我X你老味,我蝴蝶分店排頭10,你夠膽同我冇貨扮有貨,每人買得15個,仲要賣成4個幾1個?我自己訂都唔使,你等執笠啦」、「而家香港咁嘅狀況,仲要玩香港人,你利用你嘅身份散播埋呢啲假消息,每間分行都冇貨,你邊X度補貨,冇咁大個頭戴咁大個頭盔,成班人6點起身陪你癲,以後都5會幫襯你」、「屯門華都得50盒,又一宣傳技倆,已blacklist 彩豐行」、「你身為藝人,話晒畀咁多人知你哋有口罩賣,會幫香港人!但原來係呃哂咁多人!」、「太過份,而家咁嘅境況,仲去浪費人哋嘅時間,排隊又聚集人群,有咩事你哋過意得去嗎?」

對於大批市民投訴,陳庭欣男友Benny回覆傳媒:「大家好,對今早各店造成混亂和不便,衷心致歉。各同事現忙於處理協調中。農曆新年期間,人手及貨源實在非常短缺,包括包裝部、運輸部、分店員工等等,導致存貨不能提供到部份分店,所有防疫產品本身貨存數目非常有限,但我們都已盡力能將倉內所有現貨安排配分給大家購買;各種產品的價錢均如以住沒有改變。再一次為大家帶來的不便而作衷心致歉,我們會加緊努力去安排,製造各種消毒產品以及聯繫口罩供應商。繼續盡力為大家服務。」

而陳庭欣今天也在《東張西望》中,為這件事道歉,她說:「就今日事件,我想親口同大家講一聲抱歉,因為人數實在估計唔到咁多,加上現在防疫消毒產品數量有限,近日假期人手短缺,令大家帶來不便,再同大家講聲抱歉。他們今日非常努力同各部門及供應商溝通,希望盡快有現貨帶到不同分店畀大家購買。」

娛聞樂陪你走遍全球追星,即Like「娛果」FB 專頁!
BannerBanner