【買唔到口罩】黃智雯趙希洛搭飛機做足防禦 紐約睇騷狂掃清潔用品

更新時間 (HKT): 2020.02.14 17:49

黃智雯(Mandy)與趙希洛兩位好姊妹早前到紐約出席時裝周,今天返港的兩人戴上口罩、黑超現身機場,防疫準備功夫做到足。她們接受訪問時透露,到紐約時裝周一星期,行程全由她們及造型師一同籌劃,今次很開心兩姊妹能一起工作,防疫功夫也加倍,Mandy說:「出發前都有啲擔心,好彩全程都好順利,我哋嘅機程15個鐘,除咗食飯,連瞓覺都冇除口罩,我哋都加倍小心,摸到嘅地方都會消毒、經常洗手,不過班機好少人,成班機都唔夠100人。」她們未有帶太多口罩到當地,Mandy說:「要留番畀屋企人,去到經常化妝影相,所以都唔會太多機會用到口罩,反而可以吸收新鮮空氣。」

她們又指平日到外地,一落機便會馬上逛街購物,不過今次去到紐約就四出撲消毒搓手液和清潔用品,幾乎買到行李超重,趙希洛說:「撲唔到口罩呀,冇晒!不過我哋去到就幫屋企人買搓手液同清潔用品,去連鎖店同藥妝店,我哋夾埋都買咗大半篋,好彩冇超重。」

今日適逢情人節,問到Mandy是否要「交人」?她說:「唔係專登今日返嘅,因為希洛要開工,所以就一齊返,去到嗰邊行程緊密,又有時差,一日瞓得2、3個鐘,會先休息吓,遲啲先補祝。」Mandy謂4月才開新劇,提到楊怡宣佈懷孕,她們都替對方開心,Mandy說:「我第一時間喺社交平台送祝福,唔怪得之前同謙謙開廠見到面,佢咁開心,心情好愉快,期待小朋友出世,希望佢哋生個肥肥白白嘅小朋友。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner