【工作因疫情停頓】周子揚夥莊思敏派抑菌劑 持長者卡優先

更新時間 (HKT): 2020.02.14 19:46

武漢肺炎疫情依然緊張,特首林鄭堅持不封關,又未能令口罩供應回復正常,香港人惟有搶口罩、搶消毒用品自救。幸好,香港仍有不少有心人提供支援,眼見不少弱勢社群及長者,即使排隊多個小時,仍未能成功搶罩,周子揚與莊思敏合力幫忙。

他們計劃於下星期一到西灣河派發2,500個口罩及500支抑菌劑,更表明會優先分發給復康力量及持有長者卡的老人家。周子揚今日接受《蘋果》電話訪問時,提到與友人合資共5位數字,在馬來西亞及印尼購得防疫用品:「而家搵口罩都好困難,啲廠商係咁加價,自己都係出於善心,食炒價都冇辦法,只係想令普羅大眾受惠。」

他表示當日將與各界人士組成義工隊,向普羅大眾派發口罩:「成件事籌備咗2至3星期,見到好多長者年紀大,佢哋嘅抵抗力冇咁好,希望可以關心多啲老百姓。中產人士有能力買口罩,但係長者同普通市民就未必買到。」周子揚期望5、6月疫症得以控制及改善,他坦言幾乎所有工作亦因疫症問題停頓:「基本上所有工作停晒,呢個唔係搵錢嘅時候。今日我同TVB舊同事溝通,聽到佢哋話開工嗰陣唔可以戴口罩,咁多人始終會有危險,其實都幾擔心。」

至於這次夥拍莊思敏合作,周子揚說:「之前有一齊做過嘢,覺得佢份人好爽快,然後又見到佢喺朋友圈話自己有派口罩,覺得佢幾有心,好似我哋嘅概念,所以就主動搵佢一齊幫忙。」他透露這次是首個派發口罩的活動,現時仍然與不同廠商聯絡,希望能繼續向基層派發口罩。

另外,馬浚偉今日亦在IG貼文:「風雨無阻『馬同學送亂小組』出動!」他透露完成首站派發口罩活動,相中他身處香港傷健共融網絡位於旺角的會址,向有需要人士派發口罩。馬浚偉又於帖文透露,仍有10個不同派發口罩的地點,獲不少網民讚好。

採訪:盧妹

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner