【時妝巴絲Video Talk】ERROR 阿Dee 保錡 大埔Lulu 陪你過浪漫情人節

更新時間 (HKT): 2020.02.14 19:11

今日係2月14日情人節,當然最想與另一伴甜蜜過節,但今年情況睇嚟就唔多適合出街慶祝,大家又會否在家自製溫馨節目,過一個不一樣的情人節呢 ?

今集《時妝巴絲》請來男團ERROR成員阿Dee和保錡、Lulu(董嘉儀)、Model Selene(張晉雅),同大家講吓佢哋最難忘嘅情人節經歷,收過又或者為對方預備過的最佳情人節禮物。

Lulu和Selene不約而同表示一向不太著重情人節,比較少特別慶祝,通常只是簡單吃餐飯。保錡就分享今年終於有女朋友一起過節,更笑指以前因為沒有太窮沒有錢送禮物。

大家通常都會覺得女生比較著重情人節,但Lulu就不太認同,因為身邊有女性朋友的另一伴,會堅持情人節一定要出外慶祝,又會準備很多小心思。

講到送禮物,阿Dee分享曾準備過一份印象深刻的禮物,試過為對方送上小日記,每日都記錄心情,但就笑指最後愈寫愈冇力,Lulu就表示自己是實際型,由於喜歡下廚,所以曾收過湯煲做禮物;Selene曾送過吸塵機給對方;保錡就試過收到冷氣機,但尺寸不適合沒有包安裝,非常搞笑。

不少彩妝品牌都會推出情人節限定系列,保錡認為女生普遍都喜歡收唇膏,Selene也認同,指最緊要包裝靚,更指彩妝顏色靚夠繽紛,可以影相分享,Lulu則說喜歡收到化妝品多過護膚品。

至於今年不太適合出街慶祝,在家為對方下煮可能是最佳節目,Selene就最拿手煮白汁意粉;Lulu平日煮中餐多,所以情人節會特別煮西餐,阿Dee就曾為朋友幫手製造驚喜,一個人煮出三個菜色。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner