【跟林憶蓮分手後】恭碩良認搞搞震 孖林德信創作新歌玩麻甩

更新時間 (HKT): 2020.02.14 17:42

42歲恭碩良日前宣佈與年長11歲女友林憶蓮分手,指二人其實早於去年1月已結束8年情。甩拖恭碩良日前為趙學而、羅敏莊和駱振偉ViuTV音樂節目《Chill Club》做嘉賓,先後唱出他的創作歌曲《你著幾號鞋》及《愛空間》,恭碩良自言是電視稀客,他表示:「如果有86歲咁長命的話,我諗我唔介意仲唱緊呢首歌,到時我會有個老人枴杖版本《你著幾號鞋》,希望大家身體健康,可以捱到去86又好,96都好,最緊要係多啲洗手。」對近日武漢肺炎疫情明顯關心。

主持問到他新一年大計,恭碩良表示有計畫舉行演唱會,以往自己喜歡將作品重新改編,今次則會盡量原汁原味:「就好似剛剛唱咗《你著幾號鞋》原裝嗰個version,我諗係好耐冇試過玩原裝版,所以好大壓力,同時令我回想起98年剛入行喺北角住apartment冇冷氣做新人嘅日子。」節目中恭碩良又和林德信及Dough-Boy合唱三人共同創作的新歌《Beef》,他表示:「我哋諗,不如做首搞搞震嘅歌啦,咁就做咗《Beef》。」笑言新曲盡顯麻甩本色。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner