【做快速測試】何雁詩工作後出現發燒症狀 鄭俊弘:兩日後先有結果

更新時間 (HKT): 2020.03.26 12:57

武漢肺炎在全球肆虐,本地確診個案每日持續增加,大家只好做好防疫措施,避免「中招」。近日轉為獨立歌手的何雁詩,連日來宣傳新歌,昨日更到新城電台接受訪問。

不過今日有消息指她的唱片公司向新城表示,何雁詩昨日完成工作後,出現發燒症狀,因她曾接觸過不少新城員工與及傳媒,消息傳出後,難免令人擔心。

《蘋果》今日向何雁詩了解此事,她回覆:「多謝關心,放心,有乜嘢會update大家!」而她的未婚夫鄭俊弘則回覆傳媒說:「而家一齊留喺屋企,OK嘅冇乜事,噚日佢有啲唔舒服,有啲喉嚨痛,噚日睇醫生話佢冇乜特別,都係喺屋企休息。」問會否擔心「中招」,他說:「唔擔心,佢冇接觸過病患者,不過噚日都做咗快速測試,而家就休息緊,報告兩個工作天就有。」他還說:「佢當然要留喺屋企休息,我會陪佢,我哋都唔出街喇﹗喺屋企都有分開,保持一段距離。」他亦表示何雁詩暫時取消了手頭工作。

另一方面,昨日邀請何雁詩擔任嘉賓的新城DJ占史,被問到會否擔心,他說:「始終只係一個等待階段,又未確診,而且我哋又冇太親密嘅接觸,只係坐喺附近做訪問,我仲全程戴咗口罩,所以唔會太擔心。」

娛聞樂陪你走遍全球追星,即Like「娛果」FB 專頁!
BannerBanner