【在家避疫】鄺文珣45歲生日自己買蛋糕 子女代為呻慘承諾下次唔會

更新時間 (HKT): 2020.04.04 13:54

今日正值兒童節,昨日45歲生日的鄺文珣於IG貼出一家5口為她慶祝生日的合照,鄺文珣留言道:「今年生日願望只有一個,love you all。」鄺文珣透過電話向《蘋果》透露,個多月前已相約友人一齊慶祝生日,但見到近日疫情嚴重,決定與家中3個小朋友在家簡單慶祝,她說:「大多數嘢都係自己準備,原先自己去買埋蛋糕,但老公唔畀我自己買,老公同我一齊去買,我啲細路打畀我問我去邊,我話買birthday cake畀自己,佢哋話咁慘下次唔會,又問我可以點同我慶祝,其實冇乜得點慶祝,佢哋又預備早餐畀我,我未瞓醒妹妹入嚟拍我好sweet。」

另外,今日同時正值金像導演劉偉強60生日。劉偉強導演過往每年生日,都會趁機會宴請一眾好友,去到佢匡湖居住所嘅會所開生日party,大吃大喝一番,其好友鄭伊健、舒淇及黃秋生等均是座上客,但今年因為疫情影響,兼且政府禁止超過4人聚會,並要求酒吧停業14天,劉導演決定今年唔搞生日party,劉偉強透露:「今日因為疫情所以唔搞生日party,一家留喺屋企煮飯食慶祝,生日願望祝福全世界平安健康。」

娛聞樂陪你走遍全球追星,即Like「娛果」FB 專頁!
BannerBanner