【特警變散仔】李日昇撐黃預咗離開大台:上年7月推晒公司啲job

更新時間 (HKT): 2020.04.04 14:27

無綫瀰漫一片白色恐怖,願為社會運動發聲的藝人,無一倖免都是被炒收場。現年28歲、童星出身的李日昇雖然是大台親生仔,近日仍不時在社交平台以「光復香港 時代革命」表明黃絲立場。

好多網民都讚李日昇好勇敢,是良心藝人,但亦替他擔心,有人直說:「又不想活了!」李日昇今日回覆傳媒時,坦言已有心理準備「冇得撈」!他說:「所有香港人都有權發聲,有言論自由。」李日昇在4年前正式成為無綫親生仔,現在尚有半年經理人合約,他亦打算不再續約:「我上年7月已經同公司講咗唔做,推晒啲job。」而去年6月,正值反修例運動開始,他覺得自己與公司立場不一,越做越心灰意冷,他續說:「我之前喺度做演員時,覺得自己對社會冇乜貢獻,同埋我自己唔係好buy公司啲嘢。我覺得做演員係可以令大家開心或娛樂到大家,但呢個時勢係應該要諗多啲嘢,唔係需要娛樂。」

李日昇昨日更撐已離開大台的李綺雯(o靚妹)開設的youtube channel,成為她「Stay Home with me 14 Days」首集嘉賓,李日昇透露現在有做健身教練,在節目上大騷爆肌身材。他還自爆最近播出由楊明、張振朗、蔡思貝主演的《機場特警》,原本是機場特警其中一員,但後來被易角只能做軍裝警。記者及後追問原因,他解釋:「一開頭唔知點解(被易角),所以發奮操大隻,但之後同我講番,係因為我個樣細個。」他曾在IG限時動態貼相,留言自嘲:「而家睇番我又真係一啲都唔似做特警嘅材料...我邊有咁狼死。」

娛聞樂陪你走遍全球追星,即Like「娛果」FB 專頁!
BannerBanner