【孔雀開屏】戴志偉被爆背妻偷食 跟保險後生女同事拖手行沙灘

更新時間 (HKT): 2020.04.04 12:40

59歲戴志偉過往參演大台劇集專演惡人及負心漢,現實生活的他竟然被發現背妻偷食,真情流露做花心老公。戴志偉於2011年離開大台後轉行做保險,現職AIA分區經理。他近日被揭偷嗒2016年入職的年輕女同事Candy。戴志偉大享齊人之福,同時做老婆柴可夫接載出入,又分身與第三者Candy浪漫行淺水灣。

戴志偉被新歡迷暈,孔雀開屏,不但打扮年青以接距同年輕女友的距離,兩人都會戴着口罩出動,以避耳目,他被撞破拍拖十指緊扣行沙灘,偷食人夫的Candy都頭耷耷,不過女方好嬌嗲,戴志偉被冧得春心動,兩人都沉醉在這段偷情之中。即使偷情,戴志偉都有分寸,入黑就回家交人,含春男友變回乖乖人夫。

不過因為戴志偉和Candy在同一公司工作,近水樓台,偷情也就手,他們有默契避開同事耳目,前後腳出動,有時男的會先開去開車離開停車場到附近,Candy獨自往會合,二人外出到新世界K11吃飯短敍撐枱腳,吃飯時,Candy終於除罩示人,樣子有點人工化,兩人對坐,她不時向男友放電,戴志偉非常落,兩人飯後又照舊分開返公司,以為神不知鬼不覺。他們如是這樣都拍拖約會頻密,但當夠鐘交人,戴志偉都會自動自覺返回老婆身邊,當然老夫老妻二人世界會較沉悶死板沒激情。

《蘋果》今日致電戴志偉問到背妻偷食一事,他只說:「我冇回應喎,我而家出門。」然後匆匆掛線。Candy被指曾做化妝,她被爆偷食人夫後即把IG變為私人帳戶。

今年7月便60歲的戴志偉,早年演藝事業賺到錢,有車有樓,他也會生活享受,閒時喜歡玩音樂。上岸戴志偉生活無憂,他和太太育有的兩名兒都大學畢業並開始工作,戴志偉去年接受《蘋果》專訪,他表示太太向來低調。並自問沒有花邊新聞?他當時說:「自己唔鍾意新嘢,相處咁耐唔諗咁多。而家幾舒服,得閒去旅行、打golf、跑步、踢足球,仲會同班朋友開演唱會,好享受。」戴志偉99年已投身保險業,試過九次達成MDRT(百萬圓桌會)指標,2011年拍完劇集《天與地》後,轉做保險長工更成為分區高級經理人,豈料他人到中年被激情迷暈出軌。

娛聞樂陪你走遍全球追星,即Like「娛果」FB 專頁!
BannerBanner