【冇心情購物】黃偉文卡數簽賬慳99% 網民建議捐出反被寸

更新時間 (HKT): 2020.04.04 16:57

潮人黃偉文(Wyman)是天生購物狂,曾在IG分享「每日都買一樣嘢」獎勵自己,並自爆有一個3000餘呎的「迷你倉」放置心頭好。不過,近日武肺疫情嚴峻,大家都寸步難行,對Wyman而言,莫說出埠睇fashion show,連行街購物都沒有機會,只能乖乖留在家中,為己為人。

Wyman今日在IG透露自己的信用卡簽賬跌至新低點,他說:「剛收到3月份的credit card statement ,本期卡數是平時的1%,留意返,唔係一成10%,係百分之一1%,即係慳咗99%,基本上除了外賣錢無使過,算是終於找到了疫情期間一點『灰燼裏的鑽石』吧!」由於足不出戶,亦成功迫使他乖乖填詞,他說:「這個星期一口氣填好三份歌詞。 #抗疫日記 #圖文無關得嚟有少少關 #唔出街但我日日營業中 #大半年前舊片啦梗係 #你唔係以為我無事仲出街仲遊埠兼唔戴口罩吓話」。

Wyman閒着,間中亦有回覆網民,見到有人建議他將剩下來的錢捐出去,Wyman即理直氣壯,寸爆說:「剩低嗰啲點用唔需要你俾意見,每個人做好自己就好,多謝晒。」最後二人亦有互相祝對方身體健康打圓場。另有網民問他是否喜歡網購?Wyman說:「非常喜歡,但也非常沒心情。」

娛聞樂陪你走遍全球追星,即Like「娛果」FB 專頁!
BannerBanner