【轉行揸的士?】敖嘉年演出舞台劇延期 得政府幾千蚊資助

更新時間 (HKT): 2020.04.06 19:45

疫情下,好多演藝圈台前幕後都冇工開,剛離開大台的敖嘉年昨日在IG上載一張揸的士的相片,留言:「開工啦,想聽咩歌。」不少網民都關心問他是否轉行,嘉年只回一個爆笑emoji。

敖嘉年今日回覆《蘋果》時笑着否認:「架的士係我朋友嘅,我影相玩吓啫,我都冇的士牌。」但其實嘉年向來都有增值自己,有私家車、電單車牌之餘,亦有考獲重量達24公噸的中型貨車車牌,他透露稍後會為ViuTV拍攝一個藝人搵新工的真人騷節目,據知麥長青和艾威都會參與,他說:「而家好多人失業,節目組想知我哋如果以藝人身份想去搵份工會做乜行業,我都第一時間諗住揸架電單車送外賣,因為疫情下,好多餐廳都要轉做外賣生意。」

嘉年原定4月要演出舞台劇《天涯歌女》,現在要延至9月,他表示亦有申請政府資助:「台前幕後都有得申請,但我未返去蓋印仔,所以未攞到嗰幾千蚊。」

娛聞樂陪你走遍全球追星,即Like「娛果」FB 專頁!
BannerBanner