【做足防護】何嘉麗感激老友仗義相助 節目撞正疫情差啲拍唔成

更新時間 (HKT): 2020.04.08 17:30

資深主持人何嘉麗近日在ViuTV主持訪談節目《金像女情》,訪問一眾電影圈女性,何嘉麗今日到商台宣傳時,回憶拍攝時遇着香港疫情爆發第一波,當時大家還未知防疫情況,幸獲一班有情有義嘉賓力撐。

幸好沒人甩底失約,何嘉麗力讚吳家麗夠義氣,她說:「約時冇嘢,拍攝時疫情開始爆發,佢最終都決定應約,佢知道唔嚟我哋唔知點攝返個窿,到拍攝場地大家都做好防護,其間口渴有人扭開樽水畀我哋飲都拒絕。都好尷尬,等於王儲查理斯同人握手又縮開,當日好快完結件事,頭也不回就拜拜走人。」

何嘉麗以殿堂級女性形容葉童,稱讚她雖然多次獲獎,但訪談期間十分謙虛,分享拍攝時禁忌:「拍戲時最緊要唔好多聲氣,會浪費人菲林,雖然而家數碼化,但習慣咗盡量唔NG。」另一經典合作,就是跟哥哥張國榮拍戲,何嘉麗說:「葉童好記得同哥哥(張國榮)拍電影《烈火青春》,哥哥好似一尊雕塑咁坐住諗返自己角色,本身要好有靈氣嘅人先睇到呢一面。」

至於會否剩勢開拍「男情」?何嘉麗則說:「睇公司啦,女性電影圈相對艱難,女導演都唔係好多位,男性喺電影圈較主道,以前女星薪酬都少過男星,現今就唔同晒,所以女情係難過男情。」

採訪、攝影:卓寶花

娛聞樂陪你走遍全球追星,即Like「娛果」FB 專頁!
BannerBanner