【武漢肺炎】傳何猷君上海確診食退燒藥瞞天過海:咁我一家大細都有啦

更新時間 (HKT): 2020.04.08 21:15

武漢肺炎在1月初於中國境內大規模爆發,湖北多個城市實施封城。今日有傳賭王何鴻燊四房孻仔何猷君,1月中在上海逗留期間,不幸染上武漢肺炎疫症。有傳他為趕及返港醫治,自行食退燒藥並乘坐私人飛機回港。到埗後未有入院,只找相熟醫生開藥食。由於不想傳染給家人,猷君索性搬離何家大宅,到k11公寓式酒店自我隔離,待完全康復後才見人。

何猷君今晚回覆《蘋果》,斷然否認自己患上武漢肺炎,他更列舉多個例證及多張飛機票尾,證明自己1月中是由上海坐商務客機飛抵深圳,再經由深圳坐車返港,而非傳聞中所指是坐私人飛機由上海直飛抵港。猷君說:「首先,我冇去過醫院冇睇過醫生,點會確診到?呢個係一個荒謬嘅道理;第二,當日我喺上海,係坐大機商務客位飛去深圳,因為我太遲book機票,之後坐車由深圳返香港,留港一日就飛去福岡開會、之後到廈門參加婚禮,婚禮後再去札幌同朋友滑雪,而唔係謠傳所講坐私人飛機。可能出面嘅人太睇得起我,我25歲仔算係做得唔錯,但賺唔賺得夠錢有私人飛機坐?絕對冇,我都想有朝一日可以坐。」他指自己最後一個旅程,是由札幌直飛返港,由於當時大陸疫情已非常嚴重,猷君指自己亦暫停所有往大陸的行程。

猷君回應時更指,如果自己真的如傳聞中染上武漢肺炎,由於該病傳染性高,身邊一家大細和一齊去旅行的朋友,應該個個中招,他更提到若果自己食退燒藥瞞天過海飛返港,是一件非常缺德的事,自己是良好市民,絕對不會這樣做。「我覺得如果咁做係好離譜,咁同出面剪手帶出去食麵嘅人咪一樣?」

娛聞樂陪你走遍全球追星,即Like「娛果」FB 專頁!
BannerBanner