【目光「胸」狠】毛舜筠曾因扮巨胸感委屈:好似俾人上下其手侵犯

更新時間 (HKT): 2020.04.09 12:21

曾經有「女版周星馳」之稱的毛舜筠,在鏡頭前的搞笑形象,的確為觀眾帶來不少歡樂,不過在鏡頭後,曾經有一幕戲觸及她的女性尊嚴,一度令她爆喊!

最近毛姐接受由何嘉麗主持的ViuTV清談節目《金像女情》訪問,提到入行多年拍喜劇的經驗,她直言最難忘是當年拍《情聖》,毛姐說:「嗰陣有一場戲講我妒忌葉子楣,個個男人都因為佢嘅身材而對佢好好,所以我咪去搵隆胸,嗰陣要我裝40F,首先塞100個胸圍,我唔介意,因為講我妒忌葉子楣,但係我要扮負荷唔到,仆咗喺書枱,胸前插晒筆,但筆係會亂嘅,亂咗之後就好多人行埋嚟,喺我呢個位 (胸前)郁下,我就覺好委屈!好似俾人上下其手侵犯咁,而且大家眼光都注視我呢度(胸),好唔舒服!」毛姐直言回家後忍不住情緒大爆發,喊了一場,不過電影上畫時,見觀眾的反應,很有喜劇效果,做演員真是很無奈!

毛姐入行多年,一直與獎項無緣,直到2006年憑《早熟》獲得香港電影金像獎最佳女配角,到了2018年再憑《黃金花》成為金像獎影后,毛姐說:「等咗好多年,係唔忿氣,同我一齊出嚟嘅都攞咗,仲未到我.但係演員係好被動,有好劇本都要有好班底同好對手,我仲好重視演員要守時,要熟讀劇本,不過而家有啲演員嘅新一套諗法,唔需要睇劇本,而呢一套對我個人嚟講唔得嘅!」

娛聞樂陪你走遍全球追星,即Like「娛果」FB 專頁!
BannerBanner