【26年後「復出」】吳啟明由揸鑊鏟轉揸咪 花6位數孖J.Arie「發燒」唱新作

更新時間 (HKT): 2020.04.09 08:03

吳啟明1994年息影,離開娛樂圈後,專心鑽研廚藝和音樂。2018年,他創作的歌曲《Falling Down》被去年播出的韓劇《觸及真心》選為片尾曲,機緣巧合下,他認識了不少韓國音樂人,大家不時有交流切磋。身為基督徒的吳啟明,每年特別重視聖誕節和復活節,他去年聖誕曲癮大發,作了一首聖誕歌《This Baby》,並找了J.Arie演唱,兩人在音樂上很合拍,所以今個復活節再添食。

吳啟明除找J.Arie獻聲,更找來跟鄧紫棋(G.E.M)和李玟合作過的美籍鼓手Padget Nanton III、低音結他手Marcus和色士風老師Miles的強大音樂班底,音樂總監是蘇道哲,他們盡情在錄音室內「發燒」,吳啟明也技癢加入唱埋一份。MV的內容索性以音樂會友,拍攝當日,錄音室內充滿歡笑聲。吳啟明首先錄唱個人部份,他稍稍試咪後便投入錄音,唱得好有feel,他事後接受《蘋果》訪問時說:「有feel係因為首歌係我作嘛!」由於他不是唱家班,所以他表示錄音前會做一些開聲的練習。

新歌在甚麼情況下創作出來?「作曲由零開始到變成一首歌,我用咗大約二、三十分鐘完成,有晚半夜我飲醉咗,喺鋼琴旁邊作咗出嚟。」吳啟明馬上找人填詞,想用歌聲獻給主,但看過歌詞不太滿意,最後自己出手,「但改歌開會嗰日,女歌手冇嚟,我自己用咪試唱一次,大家事後竟將我同J.Arie把聲mix埋一齊,佢哋話好夾,所以今次有我份唱。」吳啟明續說:「合唱歌其實大家五五咁分,但今次比例係我三佢七,我把聲會填返佢啲低音位,似和音,成首歌聲量我只佔30%。」

26年後「復出」幕前,吳啟明笑言:「真係歲月催人。」他直認埋位拍攝MV首天有不習慣,「可能人老咗,唔慣四面打燈,眼有啲唔舒服,但都好快適應到,我首歌好短,我同監製商量唔使寫story line,就拍musical。」色士風老師Miles怕疫情只有代吹聲,拍攝吹色士風的畫面由吳啟明負責。吳啟明也包辦填詞,他說:「我唔太識中文,只有填英文歌詞,我最欣賞林夕。」以新歌班底計,製作費最少都要6位數字,他說:「我係完美主義者,煮餸都要買靚料,唔可以觀音頭掃把腳,今次碌盡人情卡同credit卡。」吳啟明大讚J.Arie的靚聲,尤其適合演唱他這首作品的高音部份。

娛聞樂陪你走遍全球追星,即Like「娛果」FB 專頁!
BannerBanner