【原來是歌手】林日曦神隱老婆現身MV 網民召喚The Pancakes復出

更新時間 (HKT): 2020.04.26 17:25

「二十來歲時怕死,是因為害怕自己灰飛煙滅;三十來歲時怕死,是因為怕另一半哀傷孤獨。」因為怕死,快40歲的毛記腦細林日曦,最近作了首新歌《怕死的原因》,自嘲用「恐怖的聲音」親自演繹,不過,網民卻將重點放在MV女主角身上,這位只見背影不見樣子的「影後女主角」,就是腦細的神隱老婆、獨立樂隊The Pancakes的唯一成員、自稱戟姐的蔡明麗。

在《怕死的原因》MV中,驚現戟姐的神秘背影,眼利網民識穿她的身份,紛紛留言:「嚟呢度睇戟姐嘅人多過嚟聽腦細唱歌」、「真心哭X咗,好掛住戟姐……成個MV 好有腦殘遊記第二集嘅feel,希望係戟姐重出江湖嘅第一步,大佬!快啲棟番起枝旗畀我跟番你呀!」、「給戟姐的情歌」、「腦細又提高咗港男冧女嘅standard」。

林日曦在社交網寫道,十幾歲時好怕時間過得快,因為時間過得快,即代表自己好快會死;到廿幾三十歲,慢慢學識放輕鬆,慢慢接受自己的生死,「到而家三十幾就嚟四十歲,今年我又忽然好怕死,但今次嘅怕死同以前有好大唔同,以前係好怕死亡之後自身嘅終結,今次我嘅怕死,係好怕萬一我死咗之後,我嘅親人,尤其係另一半會好傷心(應該……會啩……我諗),而家嘅怕死,係好擔心在世嘅人淨返自己一個。」

平日沉默寡言的腦細,原來是冧妻高手,2017年林日曦一炮過豪擲近950萬,購入屯門龍珠花園一個連天台的單位,業主只得一人,就是老婆蔡明麗。由戟姐成立的The Pancakes是一人樂隊,2005年在第24屆香港電影金像獎,她憑電影《麥兜菠蘿油王子》中歌曲《咁咁咁》獲得最佳原創電影歌曲獎,2006年與林日曦結婚,她近年十分低調幾乎絕迹樂壇,2015年,戟姐為周潤發重出江湖,因未能成功集郵,作了首《給發哥的歌》上載YouTube。

娛聞樂陪你走遍全球追星,即Like「娛果」FB 專頁!
BannerBanner